23

Интерактив контент - 23

Сэдэв: Өгөгдөлтэй ажиллах

Гарчиг: Жижигээгийн хүсэл

 

Өгүүлэгч: Жижигээ аавтайгаа хамт гадаадад байгаа ээж дээрээ очих болжээ. Тэд хэд хоногийн өмнөөс авч явах зүйлсээ бэлдэж эхлэв.

Аав нь: Жижигээ, ээж чинь чи бид хоёрыг цөөхөн хонох болохоор цөөн хувцас аваарай гэсэн шүү. Миний охин өмсөх хувцаснуудаа л аваарай.

Жижигээ: За аав аа. Би нүдний шилээ авч болох уу?

Аав: /инээн/ За тэг дээ, миний охин.

Өгүүлэгч: Ийнхүү Жижигээ авч явах хувцаснуудаа бэлдэв. Хэсэг хугацааны дараа аав нь түүнийг хувцсаа бэлдэж дууссан эсэхийг мэдэхээр ирлээ.

Аав: За миний охин, хувцсаа бэлдчихсэн үү?

Жижигээ: Тэгсээн, аав аа! Энэ байна. /олон том цүнх  харагдана/

Аав: Хөөх, энэ чинь юу вэ? Ийм их хувцас хэрэггүй шүү дээ. Тэгээд ч онгоцонд ийм их ачаатай явбал их мөнгө төлөх хэрэгтэй болдог байхгүй юу? Алив, хэчнээн хувцас авсныг чинь тоолъё доо.

Өгүүлэгч: Ингээд аав нь түүний авч явахаар хийсэн хувцсыг тоолж үзэхээр боллоо. Хамтдаа тоолоорой.

Өгүүлэгч: Ингээд хэдэн өдрийн дараа Жижигээ аавтайгаа хамт нислээ. Тэр хөвөн цагаан үүлс, тэр доор цэг шиг жаахан харагдаж байгаа уул, мод бүрийг ажигласаар явтал онгоц ирэх газраа иржээ.

Өгүүлэгч: Тэднийг цүнхээ олж аваад гарахад үүдэнд нь ээж нь хүлээж байлаа. Жижигээ ээжийгээ хараад түүнийг тэвэрлээ. Тэр халааснаасаа жижигхэн цаас гаргаж ээждээ өгөв.

Жижигээ: Ээж ээ, бид танд зөндөө гоё юм авчирсан. Энэ цаасан дээр юу юу авирснаа бүртгэсэн байгаа.

Ээж нь: Хөөх, тийм үү? Баярлалаа, охин минь. Ухаантай шүү. /Жижигээ инээнэ/

Өгүүлэгч: Жижигээ аль хүснэгтэд зөв бүртгэсэн байна вэ? Сонгоорой.

Ээж нь: Миний охин чинь ёстой их юм авчирч шүү. За бүгдээрээ явцгаах уу?

Аав нь: Тэгье ээ хө. 

Жижигээ: За явцгаая.

Өгүүлэгч: Ийнхүү тэд машиндаа суун инээд хөөртэй  хөдөллөө.

 
 
 
 
 
 
 
 
 
 

Үүнээс доош бүгдийг өгүүлэгч уншина.

 

●    Зургийг ажиглаад, хувцас тус бүрийг тоолон тохирох тоотой харгалзуулна уу. 

●    Жижигээ мөн нүдний шил, үсний боолт, ном, цүнх авч явахаар бэлдсэн байжээ.

●    Багана тус бүр дэх дүрсийг тоолж, эд юмсыг тохирох тоотой харгалзуулаарай.

●    Тусламж: Тооны оронд дүрс хэрэглэх буюу өгөгдлийг төлөөлүүлж хэрэглэдэг жижиг хэмжээтэй дүрс эсвэл тэмдэгтийг пиктограмм гэдэг. Өгөгдлийг бүлэглэхийн тулд ийм дүрсүүдийг баганаар эсвэл мөрөөр байрлуулдаг.

●    Доор хамгийн хялбар пиктограммыг хэрэглэж нэгэн сургуулийн сурагчдын бүртгэсэн шувуудын тоог харуулжээ. Пиктограмм нь нэг дүрс юуг төлөөлж байгааг харуулсан тайлбар бүхий түлхүүртэй байх ёстой. Жишээ нь,

●    Энэ жишээнд нэг дүрс нэг шувууг төлөөлж байна.

●    Багана тус бүр дэх дүрсийг тоолж шувууны төрөл тус бүрээс хэдэн шувуу бүртгэгдсэнийг олоорой. Үүнийг давтамж гэдэг. Жишээлбэл: Энд хэрээний давтамж 3 байна.

●    Аав нь Жижигээд авч явах зүйлсээ цөөлөх хэрэгтэйг хэлээд, тус бүрээс нь хэд хэдийг авч явахыг дараах байдлаар тэмдэглэн өгөв. Хувцсаа тохируулан авч явахад Жижигээд туслаарай.

●    Хувцас, эд юмс тус бүрийн тоонд тохирох нүдийг будаарай.

●    Жижигээгийн авч явах зүйлс бэлэн боллоо. Түүнд тусалсанд баярлалаа, хүүхдүүд ээ!

●    Тэд нисэхээсээ өмнө цүнхнүүдээ дараах байдлаар бүртгэжээ. Бүртгэлийг сайтар ажиглаарай. Дараа нь асуултыг нөхөж  зөв хариулаад, цүнхээ олоход нь туслаарай.

 
 
 
 
 
 
 
 
 

 

Back to episodes Go home