Өгүүлэгч: Сэдэв: Байршил, хөдөлгөөн

Гарчиг: Айдогийн цаг

Өгүүлэгч: Зуны нартай өдөр цахим аялагчид маш их халууцжээ. Тэд сэрүүцэхээр нууран дээр тоглож байв. Гэтэл Айдо зүүж явсан цагаа усанд унагачихлаа.

Айдо: Өө, яана аа?! Би цагаа унагачихлаа.

Мидо: Айн? Хаана унагасан юм бэ?

Айдо: Энд, ус руу уначихсан.

Кидо: Ил харагдахгүй байгаа юм чинь нуурын гүнд л унасан бололтой. Одоо яах вэ? 

Мидо: За түр хүлээгээрэй. Би яваад илрүүлэгч багаж аваад ирье.

Айдо, Кидо: За, хурдлаарай. 

Өгүүлэгч: Ийнхүү Мидо хөлгөөс илрүүлэгч багаж аваад  буцаж ирлээ.

Мидо: За найзууд аа! Энэ бол илрүүлэгч багаж. Үүнийг ашиглан Айдогийн цагийг олъё.

Кидо: Хөөх, янзтай юм аа. Яг л тоглоом шиг харагдаж байна гээч.

Мидо: Айдо, битгий санаа зов. Бид заавал олно оо.

Айдо: Баярлалаа, Мидо.

Кидо: Ёоё, арайхийж эднийг оллоо шүү. Гэхдээ аль нь ч Айдогийн цаг биш байна. Энэ чинь одоо юу вэ? Мидо: Бүгдээрээ хог юм шиг байна аа. 

Кидо: Ммм, тэгвэл бид хэрэггүй юм аваад гараад иржээ.

Айдо: Зүгээр дээ, Кидо. Бид санаандгүй нуураа цэвэрлэчихлээ шүү дээ. Одоо энэ нуур илүү цэвэрхэн болчихлоо.

Мидо: Ммм, тийм ч юм уу.
Кидо: Айдо, нуурын гүнээс одоо ганцхан цэнхэр туяа гарч байна. Тэр л чиний цаг мөн байх. Би хурдан сэлж очоод аваад ирье.

Айдо: Хөөх, баярлалаа, Кидо. Гэхдээ бүгдээрээ хөлгөөсөө холдчихсон бололтой. Яаж хөлгөө олох уу?

Мидо: Чи цагаа ажиллаж байна уу, үгүй юү үз дээ. Хэрвээ ажиллаж байвал газрын зургаа гаргаад харчихъя.

Айдо: Нээрээ тэгье.

Кидо: Тэгье, тэгье.

Айдо: Хөөх ажиллаж байна. /Мидо, Кидо баярлан инээнэ/

Кидо: Ёох, ашгүй дээ.

Айдо: Одоохон газрын зургаа гаргаадахъя.

Айдо: За тэгэхээр хөлөг рүүгээ буцаад яаж явах билээ?

Өгүүлэгч: Айдогийн цагийг хамтдаа хайж олсонд баярлалаа. Бас хөлөг рүүгээ буцах замыг нь зааж өгөөд л. Баярлалаа, хүүхдүүд ээ! Дараа уулзацгаая.

1-р үе

●    Асуултын дагуу байршлыг тэмдэглээрэй. 

●    Тусламж: Баганыг үсгээр, мөрийг тоогоор  тэмдэглэнэ. Уншихдаа А5, В6 гэх мэтээр уншина.

●    Шар туяа аль хэсгээс гарч байна вэ?

●    Ногоон туяа аль хэсгээс гарч байна вэ?

●    Ягаан туяа аль хэсгээс гарч байна вэ?

●    Цэнхэр туяа аль хэсгээс гарч байна вэ?

●    Сая байршлыг нь тогтоосон туяануудын аль нь  Айдогийн цаг юм бол оо? Тэд усны гүн рүү шумбаж үзэхээр шийдлээ.

●    Өгөгдлийн дагуу цахим аялагчдыг байрлуулаарай.

●    Айдог Б4 дээр байрлуулна уу.

●    Мидог Г2 дээр байрлуулна уу.

●    Кидог Д5 дээр байрлуулна уу.

●    Айдог А2 дээр байрлуулна уу.

●    Мидог В3 дээр байрлуулна уу.

●    Кидог Г4 дээр байрлуулна уу.

●    Хүүе, найзууд аа! Бүгдээрээ тэдэнд тусалъя.

●    Айдог ягаан туяа гарч байгаа хэсэгт  аваачна уу.

●    Кидог ногоон туяа гарч байгаа хэсэгт  аваачна уу.

●    Мидог шар туяа гарч байгаа хэсэгт  аваачна уу. 

●    Асуултад зөв хариулан хөлөг рүү явах замыг нь тодруулж өгөөрэй.

●    Нуурын өмнө юу байна вэ?

●    Нуурын баруун хойно юу байна вэ?

●    Нуурын зүүн хойно юу байна вэ?

●    Нуурын хойно юу байна вэ?

●    Нуурын баруун талд юу байна вэ?

●    Нуурын зүүн өмнө юу байна вэ?

●    Нуурын баруун өмнө юу байна вэ?

●    Нуурын зүүн талд юу байна вэ?