Супер байгууламж: Инженерийн гайхамшиг:
Ачааны аварга том хөлөг онгоц
Үргэлжлэл: 44:10 мин.
Дүрүүд:
Эр:
Дагфинн Торсен
Ник Брэдбир
Эймос Уинтер
Евгений Никитюк
Эндрю Стил
Габриэль Уэймут
Степан Суменков
Евгений Никитюк
Константин Антуфиев
Фу Шянь Ли
Александр Пшендзинскис
Чун ань Лин
Эм
Сюй Хуэй-Линь
---------------------------------------------------------------------------------------------------------------------------------------------------------------------------------------------------------------------------
Жек: Энэ бол ер бусын хөлөг онгоц.
Даг: Тэр дэлхийн хамгийн хөлгүүдийн нэг.
Жек: Ихэнх хөлөг онгоцууд ямар ч үнээр хамаагүй зайлсхийдэг түүхэн дэх хамгийн том далайн ачаануудыг тээвэрлэнэ.
Евгений: Нэг тийм том зүйл бараг бүхэлдээ усан доор орж, дараа нь ямар нэг аварга юм тээж гарч ирэхийг харах сайхан.
Эймос: Энэ тоглоомын дүрмийг жаахан өөрчилдөг. Энэ ачааны хөлөг онгоц, шумбагч онгоцны хослол маягийн юм.
Жек: Жи.Пи.Оу компанийн “Аметист” бол хагас суулттай хүнд даацын ачаа тээврийн дээд зэрэглэлийн нэр хүндтэй хөлөг онгоц.
Евг: Энэ хөлөг онгоцны ахмад байх үнэхээр нэр төрийн хэрэг.
Жек: “Аметист”-д ер бусын боломж өгсөн инженерийн оюун ухааныг хажуунаас нь харах боломжгүй.
Евг: Юм буруугаар эргэж мэдэх олон хүчин зүйлс байдаг учраас бид үүнд бэлэн байх ёстой.
Жек: Түүний нууцыг нээх цорын ганц арга нь энэ супер хөлөг онгоцыг хэсэгчлэн задлаж, дотор нь юу болж байгааг олж мэдэх явдал.
---------------------------------------------------------------------------------------------------------------------------------------------------------------------------------------------------------------------------
СУПЕР БАЙГУУЛАМЖ: ИНЖЕНЕРИЙН ГАЙХАМШИГ
---------------------------------------------------------------------------------------------------------------------------------------------------------------------------------------------------------------------------
СУПЕР АЧААНЫ ХӨЛӨГ ОНГОЦ
---------------------------------------------------------------------------------------------------------------------------------------------------------------------------------------------------------------------------
Жек: Өнөөдөр " Аметист " хөлөг онгоц Мексикийн булан руу явж байна, тэр ашиглалтаас гарсан хоёр аварга өрөмдлөгийн тавцангуудыг ачиж Оманд хүргэх ёстой. Хөлгийг 11 жил далайд хүнд жинтэй ачаа тээвэрлэсэн ахмад Евгений Никитюк удирдаж байна.
Евг: 1010.
Жек: Ойрын хэдэн өдөр түүний хөлөг онгоц далайд хамгийн том ачаатайгаар төдийгүй, мөн тэднийг сүйрүүлж мэдэх цаг агаарын нөхцөлд туршигдах болно.
Евг: Бид гэнэтийн далайн шуургатай таарлаа. Салхины хурд 28,9 метр/секунд хүрч байна.
Жек: Сүүлийн жилүүдэд газрын тос, байгалийн хий зэрэг дэлхийн аж үйлдвэрийн салбарууд хүнд ачааг дэлхий даяар тээвэрлэх шаардлага ихсэж байна. Тусдаа зарим ачаанууд 45 мянган тонн жинтэй бөгөөд энэ нь жинхэнэ асуудал үүсгэдэг.
Эдгээр ачааны жин нь ердөө ч санаанд багтамгүй. Үүнийг А цэгээс Б цэг рүү шилжүүлнэ гэж төсөөлөөд үз дээ. Энэ бараг боломжгүй зүйл. Орчин үеийн өрөмдлөгийн тавцанг авто зам, төмөр замаар зүгээр л ингээд тээвэрлэх ямар ч боломжгүй. Мөн тэднийг чирэгч завиар чирдэг хуучин шийдэл ч үүнд тохирохгүй. Тиймээс цоо шинэ арга барил шаардлагатай болсон.
---------------------------------------------------------------------------------------------------------------------------------------------------------------------------------------------------------------------------
Жек: Цорын ганц боломжит шийдэл нь эдгээр онцгой ачааг далайгаар тээвэрлэх боловч үүнд онцгой хөлөг онгоц шаардлагатай. Далайн тээврийн хамгийн дэвшилтэт хөлөг онгоцнуудын нэг болох "Аметист" хөлөг онгоцтой танилц.
Ниск Брэдбиэр – далайн архитекторч, Ю.Си.Эл
Энэ бол нүсэр том, хүнд ачааны хөлөг онгоцнуудын нэг, тэд хэмжээгээрээ санаанд багтамгүй, зүгээр л өөр ямар ч арга хэрэглээд ч тээвэрлэх боломжгүй тийм нүсэр зүйлсийг тээвэрлэдэг.
---------------------------------------------------------------------------------------------------------------------------------------------------------------------------------------------------------------------------
Дагфинн Торсен – Жэй-Пи-Оу Хүнд ачаа ХХК-ны гүйцэтгэх захирал
Энэ төрлийн хүргэлт надад сонирхолтой санагддаг. Төсөл бүр, ачаа болгон огт өөр. Бид дэлхийн өнцөг булан бүрт ачаа ачиж, буулгаж байна.
---------------------------------------------------------------------------------------------------------------------------------------------------------------------------------------------------------------------------
Даг: Үнэхээр гайхалтай төрлийн тээвэрлэлт.
Жек: Энэ хөлөг онгоцны тавцан нь 188 метр урт, 48 метрийн өргөнтэй. Энэ нь маш том, дор хаяж 16 Эрх чөлөөний хөшөө багтаах боломжтой. Уг тавцан нь далайн түвшнээс дээш 60 метрийн өндөрт өргөгдсөн асар том өрөмдлөгийн тавцанг хоёуланг нь багтаах боломжтой.
Эндрю: Хэдэн арван мянган тонн жинтэй асар том өрөмдлөгийн тавцангууд тээвэрлэнэ гээд бод доо, бүр дор юм нь тэр гидродинамик биш. Тэр завь шиг сайхан гөлгөр их биетэй биш. Энэ нь үндсэндээ асар том дөрвөлжин учраас түүнийг хөдөлгөх нь их бага хэмжээгээр боломжгүй зүйл.
Эр: Евгений.
Евг: Би дээд тавцан дээр байна. Одоо очлоо.
---------------------------------------------------------------------------------------------------------------------------------------------------------------------------------------------------------------------------
Жек: "Аметист" өрөмдлөгийн тавцанд дөхөж байхад 26 хүний бүрэлдэхүүнтэй баг асар том ачаанд зориулан тавцанг бэлдэж байна.
Евг: Тэд гол тавцан дээр бэхэлгээний тавцан угсарч байна.
Жек: Өрөмдлөгийн тавцангуудын нийт жин нь 23,000 тонн, энэ инженерийн жинхэнэ сорилт болно.
Дэниэль Жорж - инженер-электроникч, Манчестерийн Их сургууль
Усан онгоцны тавцан дээр ийм хүнд ачаа тээвэрлэхэд хамгийн ойлгомжтой асуудал бол тавцангийн бат бөх байдал.
Эймос: "Аметист" уртаас урт тавцантай, хэрэв олон мянган тонн жинтэй ачааг хөлгийн тавцангийн голд байрлуулах гэж оролдвол жин нь жигд бус хувиарлагдана гэсэн үг. Усан онгоц зүгээр л хоёр хуваагдана.
Габриэль Уэймут – далайн инженер, Саутхэмптоны их сургууль
Хөлөг онгоц маш зузаан ган тавцантай бол нурахаас сэргийлэх байсан, гэхдээ хөлөг онгоц хэтэрхий хүнд болно. Үнэндээ түүний тавцан нь маш нимгэн.
---------------------------------------------------------------------------------------------------------------------------------------------------------------------------------------------------------------------------
Даг: Ийм том талбайд тавцангийн зузаан нь нимгэн байна. Нэмэлт бэхэлгээгүй бол тэр ачааны хүндэд яг цааш шиг хумигдана.
Жек: Шийдэл нь хуурай газраас, тэнгэр баганадсан барилгууд дотроос олджээ. Хавтангийн зузаан нь ердөө 2.54 см. Харин түүний доор хоёр дахь нимгэн тавцантай холбосон сараалжан хийц байдаг. Сараалж нь онцгой хэлбэртэй ган дам нуруунуудаас бүрдэнэ. Тэдний хөндлөн огтлол нь ром тоо нэг шиг харагдана. Яг тэнгэр баганадсан барилгуудыг дэмжиж байдаг двутаврууд шиг. Тэднийг бүр асар их хүч дарж байсан ч хэлбэрүүд нь ямар ч гажилтаас сэргийлж, тавцангийн дээд нимгэн гадаргууг хамгаалж байх ёстой.
Габ: Энэ хөлгийн жинг ихээр нэмэгдүүлэхгүйгээр бөх бат байдлыг нь нэмэгдүүлдэг, учир нь энэ хөлөг онгоц хөвөх ёстой.
Жек: Дараагийн асуудал бол тавцан дээрх ачааллыг хэрхэн хуваарилах вэ.
Ник: Ачааны тавцан хавтгай хэвээр байх нь маш чухал, учир нь хэрэв тэр жаахан л тахийж тавцангийн нэг хэсэг нь тавцангийн нөгөө хэсгээс өндөр болбол бүх жин тэр дороо хамгийн өндөр цэг дээр төвлөрч, улмаар хөлөг онгоц хоёр хуваагдаж мэднэ.
---------------------------------------------------------------------------------------------------------------------------------------------------------------------------------------------------------------------------
Жек: Гаосюн, Тайвань... ...ЖиПиОу компани “Аметист”-тай яг ижил загвартай хоёр хүнд даацын ачааны хөлөг онгоц барьж байна. Мөн энд дээд зэргийн бат бөх, хэт хавтгай тавцанг суурилуулна. Асар их ган хуудаснуудын овоолон бэлдэж байна. Үүнээс 154-ийг нь хамтад нь нийлүүлж гагнах шаардлагатай. Мөн 2,4 км урт оёдол тавьж маш нарийн гагнах ёстой.
Ник: Ган хавтанг гагнах маш хэцүү боловч ийм хөлөг онгоцонд зайлшгүй шаардлагатай.
Сюй Хуэй-Линь – инженер, Си.Эс.Би.Си корпораци
Бид нийлүүлж гагнахын тулд нүүрстөрөгчийн давхар ислийн нуман гагнуурыг ашиглаж байгаа, энэ маш гөлгөр гадаргуутай болгодог.
---------------------------------------------------------------------------------------------------------------------------------------------------------------------------------------------------------------------------
Жек: Гагнуурын ажил дууссаны дараа тавцанг шалгаж байна.
Степан Суменков – Хөлөг онгоцны ахлах ажилтан, Жи.Пи.Оу Хүнд даацын ачааны онгоц:
Энэ тавцан ачаа ачихад зориулсан дээд зэргийн хавтгай гөлгөр байх ёстой.
Жек: Усан онгоц бүтээхэд ихэвчлэн миллиметрийн аравны нэгээр хэмжилт хийдэггүй ч эдгээр хөлөг онгоцны хувьд энэ нь маш чухал байдаг.
Степ: Тавцангийн зөвшөөрөгдөх хязгаар. Тавцангийн зөвшөөрөгдөх хязгаар нь манай тавцангийн хувьд 3.55 мм байна. Энд бүх зүйл хэвийн байна.
Жек: Эдгээр хөлөг онгоцууд нэг жилийн дараа бэлэн болно.
---------------------------------------------------------------------------------------------------------------------------------------------------------------------------------------------------------------------------
Жек: Мексикийн булан руу эргэж ирэхэд Евгений ачаагаа авахаар яаравчилж байлаа.
Евг: Үзүүлэлт?
Эр: 0-9-0. Чигээрээ.
Евг: 0-9-0. Чигээрээ.
Эр: Чигээрээ.
Эр: Бид давтая: 7-4, 7-4.
Жек: “Аметист” хурдаа нэмэгдүүлэхийн тулд ер бусын хүчирхэг хөдөлгүүртэй байх ёстой. Гол нь ямар?
---------------------------------------------------------------------------------------------------------------------------------------------------------------------------------------------------------------------------
Жек: Нийт урт нь 225 метр, өргөн нь 48 метр, 20 давхар өндөртэй “Аметист” үнэхээр аварга том ажээ. Энэ нь өөрийнхөө ачааг амжилттай ачихад нь хэрэгтэй: аварга том, хуучин хоёр өрөмдлөгийн тавцангуудыг.
Евг: Цорын ганц гарц бол аюулгүйн хонгилыг дагах хэрэгтэй.
Жек: Ахмад Евгений радараа шалгаж байна.
Евгений Никитюк – хөлгийн ахмад, Жи.Пи.Оу “Аметист”: Бид одоо эхний өрөмдлөгийн тавцан хаана байгааг тогтоохоор оролдож байна.
Жек: Тэр Нью Орлеанаас холгүйхэн ачих газартаа дөхөж байна.
Ев: Энэ нь баруун талын хөдөлгүүр дээр. Энэ зүүн талын хөдөлгүүр дээр. Дөрөв-хорь.
Эр: 4-20.
Жек: Өрөмдлөгийн тавцангуудыг ачиж дууссаны дараа “Аметист” 20,900 км туулан Оманд аль болох хурдан тээвэрлэн хүргэх ёстой.
Даг: Эдгээр хөлөг онгоцууд жишээ нь, маш үнэтэй өрөмдлөгийн төхөөрөмжүүдийг тээвэрлэдэг, өдрийн хөлс нь маш өндөр, тиймээс цаг хугацаа маш чухал.
Жек: Хөдөлгүүрийн системд юу ч тохиолдохгүй байх нь туйлын чухал юм. Ерөнхий инженер Константин үүнийг хянах компьютерийн системтэй ажээ.
Константин Антуфиев - ерөнхий инженер:
Энд бүх тоног төхөөрөмжийг хариуцах нь миний ажил.
Эр: Та нар тэнд юу хийгээд байна?
Конс: Манайд зураг авалт явагдаж байна. Конденсаторууд ажиллаж байна уу? Чи наадахаа хэрэггүй, бусдыг нь анхаар.
Жек: Үндсэн хөдөлгүүрт ганцхан сонголт бий. Дизель хөдөлгүүр уламжлалт хэвээр байгаа боловч ийм хэмжээтэй хөлөг онгоцны хувьд хөдөлгүүр нь аварга том байх шаардлагатай. Нэг хангалтгүй учраас хоёр талдаа тус бүр нэг хос байх ёстой.
Конс: Энэ бол манай үндсэн дизель хөдөлгүүр. Энэ хөлөг онгоцны хувьд яг ийм дөрөв байгаа.
Дэн: Хөдөлгүүр болгон ойролцоогоор 9,600 морины хүчтэй. Энэ нь 12 ширхэг Феррарийн V12 хөдөлгүүртэй тэнцэнэ. Тэд үнэхээр хүчирхэг хөдөлгүүрүүд гэдгийг та нар мэднэ.
Жек: Маш их хүч гэдэг нь маш их жин гэсэн үг. Хөдөлгүүр тус бүр нь 119,800 кг жинтэй. Бүх дөрвөн хөдөлгүүр нь тийрэлтэт том онгоцноос ч илүү жинтэй. Гэхдээ сонирхолтой нь хөдөлгүүрүүд сэнстэй холбогдоогүй байдаг.
Ник: Дизель хөдөлгүүрээр ажилладаг ихэнх хөлөг онгоцнуудад сэнсний гол нь редуктортой холбогдсон байдаг, харин энэ хөлөг онгоцонд хөдөлгүүрүүд нь сэнсний голтой тэгж холбогдооггүй.
Жек: Нүсэр том хэмжээтэй хөдөлгүүрүүдийг багтааж болох цорын ганц газар нь урд хамар ажээ. Тэгвэл хөдөлгүүрийг сэнстэй холбосон 165 метр урт хөтлөгч голтой болж таарна, гэтэл энэ боломжгүй зүйл.
Габ: 165 метрийн урттай хөтлөгч голын нэг бэрхшээл нь түүний нийт уртад нь үйлчилгээ хийгдэнэ, холхивч, бусад сэлбэг хэрэгслүүдээр хангагдсан байх ёстой байдаг. Энэ бүгд хүртээмжтэй байх ёстой, мөн тэд тавцангийн доор маш их зай эзэлнэ гэсэн үг.
---------------------------------------------------------------------------------------------------------------------------------------------------------------------------------------------------------------------------
Жек: Хөлгийн хамарт, ахмадын тавцан дор тэдэнд зориулсан зай бий, хөлөг онгоцны цохилох зүрх “Аметист”-ийн хөдөлгүүрүүд. Сэнс рүү цахилгаан эрчим хүчийг дамжуулахын тулд цахилгаан үүсгүүрийг ажилуулна, дараа нь хөлөг онгоцны бүх уртын дагуу сунасан кабелийн утаснууд хөлгийн сүүл хэсгийн цахилгаан хөдөлгүүрүүдэд цахилгаан эрчим хүчийг дамжуулж сэнснүүдийг ажилуулна. Урт хөтлөгчтэй гол шаардлагагүй. Энэ маш ганган шийдэл боловч хойно байгаа цахилгаан хөдөлгүүрүүд мөн л онцгой том байх ёстой гэсэн үг юм.
Конс: Энд манай хөдөлгүүрүүдийн хэсэг байдаг. Энэ нүсэр хөдөлгүүрүүд 4 мегаваттын чадалтай.
Ник: Гэрт хамгийн хүчтэй хөдөлгүүр угаалгын машинд байдагийг бид мэднэ, харин энд “Аметист”-ийн сэнснүүдийн голын цахилгаан хөдөлгүүрүүд түүнээс 5000 дахин хүчтэй.
---------------------------------------------------------------------------------------------------------------------------------------------------------------------------------------------------------------------------
Жек: Ийм цахилгаан эрчим хүч нь “Аметист”-ыг хамгийн их эргэлтийн мөчлөгөөр хангадаг. Мөн хангалттай түлхэх хүчийг бий болгох үүднээс сэнснүүдийн өндөр нь 5.5 метр байдаг. Гэхдээ, хамгийн ухаалаг зүйлс сэнснүүдийн дотор байрлуулсан механизмууд учраас сэнснүүдийг маш нарийн суурилуулах ёстой.
---------------------------------------------------------------------------------------------------------------------------------------------------------------------------------------------------------------------------
Жек: Тайваньд эдгээр сэнсийг газар дээр харах ховор боломж гарч байна. Тэд "Аметист"-ын эгч "Эмералд" хөлгийн баруун талын сэнсийг суурилуулж байна.
Фу Шянь Ли – инженер, СиЭсБиСи корпораци: Энэ инженер байлцахыг шаарддаг ажил. Маш нарийн ажил учраас бид ямар нэгэн зүйл хийхээс өмнө хэмжилт дээр гарын үсэг зурах ёстой.
Жек: Сэнснүүд зэс, никель, хөнгөн цагааны хайлшаар хийгдсэн байдаг. Эдгээр нь онцгой үр дүнтэйгээр ус зүсэх зориулалттай.
Даг: Бид 29.6 км/цаг хүртэл хурдлах боломжтой, ийм хөлөг онгоцны хувьд энэ хэвийн зүйл.
Жек: Тэр өөрийнхөө ангилалд хамгийн хурдан хөлөг онгоц, гэхдээ сэнсний хөтлөгч голын дотор байдаг зүйл “Аметист”-ийн хөдөлгүүрийг гайхалтай болгодог. Сэнс бүр дөрвөн иртэй. Ихэвчлэн найдвартай системтэй. Харин “Аметист”-д энэ өөр. Сэнсний гол тус бүр нь дотроо тосоор дүүргэсэн гидравлик бүлүүртэй. Бүлүүр ажиллах үедээ ирний налуу өнцөгийг өөрчилдөг. Өөрөөр, ирнүүд нь хөндлөн эргэж, өөрийнхөө өндөр, мөн тэднээс үүсгэсэн түлхэх хүчийг өөрчилж чаддаг гэсэн үг. Мөн ирнүүд эсрэг чиглэлд эргэж чаддаг учраас урагшаа эсвэл хойшоо хөдөлгөөн хийх үед сэнсний голын эргэлт бас өөрчлөгддөг. Сэнс шаардлагагүй үед тэд тэг эсэргүүцлийн байрлалд очно.
Даг: Хэрэв нэг сэнс ашиглагдахгүй бол түүнийг хурааж, эсэргүүцлийг бага болгодог. Хөлөг онгоц ганцхан сэнсний тусламжтайгаар хурдаа сайн хадгалж чаддаг.
Жек: Цаг хугацаа бол мөнгө, хүнд үйлдвэрийн салбарт өрөмдлөгийн цамхагийн түрээсийн зардал өдөрт 100,000 доллараас давдаг, хамгийн хэцүү нөхцөлд ч “Аметист” найдвартай байх ёстой. Дөрвөн дизель хөдөлгүүртэй, дөрвөн цахилгаан хөдөлгүүртэй тэрбээр хэрэв хэд хэдэн эвдрэл гарсан ч хоёр сэнс ажилласаар байдаг.
Ник: Энэ хөлөг онгоц цаг агаарын таатай нөхцөлд чиглэл, байрлалаа автоматаар хадгалах чадвартай, бүр аль нэг хэсэг нь доголдсон ч үүнийгээ үргэлжлүүлж байдаг. Тиймээс, хэрэв хөдөлгүүрүүдийн нэг нь эвдэрсэн тохиолдолд гэж үзээд нэг гол дээр хоёр хөдөлгүүртэй байдаг.
Жек: “Аметист”-ын хөдөлгүүр бахархал гэж болно. Энэ хөлөг онгоц түлшээ цэнэглэх шаардлагагүйгээр 40,300 км замыг туулж чадна. Энэ бол дэлхийг бүхэлд нь тойрсон зам юм. Яг одоо Евгений ачаагаа цагт нь хүргэхийг хичээж байгаа ч ийм том, хүнд хөлөг онгоц өндөр хурдтай явах нь нэг асуудлыг онцгой хүндрүүлдэг. Түүнийг зогсоох асуудал.
Дэн: Түүнийг урагш түлхэж байгаа асар их импульс байдаг. Одоо хөлөг онгоцыг зогсоох цорын ганц арга нь энэ хөлөгт үйлчилж байгаа хүчийг эсрэг зүгт чиглүүлэх хэрэгтэй.
Жек: Өглөөний 8:00. Ахмад Евгений болон “Аметист” хамгийн төвөгтэй ачааг ачих газар луу хурдаараа явж байна: Оман руу тээвэрлэх ёстой ашиглалтаас гарсан хоёр өрөмдлөгийн цамхагийг.
Евг: Ахмад сонсч байна. Бид одоо л хурдаа авч байна. За, ойлголоо, ойлголоо.
Жек: Далайн хамгийн том хөлөг онгоцуудын нэгд бүр хамгийн энгийн ажиллагаа, жишээ нь, зогсох нь асуудал дагуулдаг. Далайд зүгээр л тоормоз гишгэх боломжгүй. Энэ хөлөг ачаагүйгээр 28,100 тонн жинтэй. Түүнийг зогсоох нь Формула-1-ийн 1,100,000 км/ц-ийн хурдтай уралдааны машиныг зогсоохтой адил.
Габ: Хуурай газар дээр машинтай бол тоормоз гишгэнэ, дугуй, замын хоорондох үрэлт машиныг хурдан зогсооно, харин “Аметист”-ийн их биеийн үрэлт маш бага, сэнсийг зогсоосон ч энэ аварга амьтан урагшаа маш удаан явсаар л байна.
---------------------------------------------------------------------------------------------------------------------------------------------------------------------------------------------------------------------------
Жек: Задгай усанд өндөр технологийн сэнснүүд чиглэлээ алдахгүйгээр урвуу түлхэлтэнд шилжих боломжтой байдаг. Үүнд усыг арагш цацраах 8 мегаватт хэрэгтэй. Тэр уг хөлөг онгоцыг 457 м-ийн зайд бүрэн зогсоож чадна.
Евг: Баруун талын зангууг бэлд.
Жек: Зангуугаа хаях цаг болжээ.
Евг: Бэлэн болонгуут мэдэгдээрэй.
Жек: Алекстай танилц. Тэр ерөнхий ачаа хариуцагч, 25 гаруй жилийн туршлагатай, манай гараг дээрх хамгийн нарийн төвөгтэй далайн ачаа тээвэрлэлтийг хариуцдаг. Энэ ажлыг нарийвчлан төлөвлөхийн тулд түүнийг “Аметист” руу илгээжээ.
Александр Пшенжинскис – ерөнхий ачаа хариуцагч, ЖиПиОу, Хүнд даацын ачаа:
Ачих ажиллагаа 3 хоног болно. Гэхдээ бидэнд тогтуун цаг агаар хэрэгтэй.
Жек: Одоо хөлөг дээр Aлекс ахмадтай хамт цаг агаарын урьдчилсан мэдээг судалж байна. Нэг их сайн биш бололтой.
Алек: Энэ том асуудал. Цаг агаар өөрчлөгдөж байгаа чиглэл надад таалагдсангүй, яагаад гэхээр, үнэндээ цонх хаагдаж байна.
Евг: Ачаа ачих үеийн таамаглал их онцгүй байна, тиймээ. Бидний цаг агаарын урьдчилсан мэдээнд найдах арга алга. Тэр ямар ч найдваргүй.
Алек: Өө, 7 -оо?
Жек: Тэдэнд өрөмдлөгийн тавцанг ачихын тулд төгс байрлал хэрэгтэй. Хэрэв цаг агаар муу байвал саатал гарна. Хэрэв шуурга болвол тэд ерөөсөө ч ачих боломжгүй болно. Шуурагны түрүүчийн хэсэг аль хэдийн тэнгэрийн хаяанд харагдана. Асуулт нь яг хэзээ болох вэ? Бүх ажил нурах аюултай боллоо. Бүр цаг агаар сайхан байсан ч “Аметист” задгай тэнгист дороо тогтвортой байх их хэцүү байдаг.
Ник: Хөлөг онгоц зургаан үе шаттай эрх чөлөө гэж нэрлэдэг зүйлээр хөдөлгөөнөө хийдэг юм. Тэр урагш, хойш, зүүн, баруун, дээш доош хөдлөнө, мөн хазайх, савлах, ухасхийх гэсэн гурван тэнхлэгийг тойрон эргэлдэж байдаг.
Жек: “Аметист” нь шарниртай тусгай залуураар тоноглогдсон нь ийм хэмжээтэй бусад хөлөг онгоцнуудыг бодвол эргэх тойрог нь харьцангүй бага байдаг. Тайваньд тэднийг шинэ хөлөг онгоцонд суурилуулж байгаа. Мөн үүнийг маш нарийвчлалтай хийх ёстой.
Чун ань Лин – инженер, СиЭсБиСи корпораци: Бид чиглүүлэгч залуурын суурийн тэнцвэрийг нь олж суулгахын тулд гол шугамыг дээрээс нь доош тэгшлэх ёстой.
Жек: Тайванийн халуун орны өндөр температурт залуурыг суурилуулах хялбар ажил биш. Өдрийн халуунд төмөр тэлдэг учраас багынхан залуурыг буруу суурилуулах эрсдэлтэй. 2.54 см-ийн зөрөө хөлөг онгоцны маневрлах чадварыг алдагдуулж мэднэ. Тиймээс тэд энгийн атлаа элдэвтэй арга хэрэглэдэг.
Чун: Бид алдаа гарах боломжгүй байхын тулд шөнийн цагаар үүнийг хийх ёстой.
Жек: "Аметист"-ын ачаа нь асар том учраас түүнийг ачихын тулд маш нарийн маневр хийх хэрэгтэй. Зөвхөн гайхамшигт залуурын хүрд хангалттай биш. Хөлгийн их биеийн усны шугамаас доогуур, ёроолтой нь ойрхон сонирхолтой хөндлөн хоолойнууд байдаг. Дотор нь туслах хөтлөгч, цахилгаан хөдөлгүүртэй хоёр сэнс байх ба сэнснүүд усыг хяналттайгаар шахаж гадагшлуулдаг.
Ник: Хөлөг онгоцыг яг байранд нь тогтооход асар их хүч зарцуулна, тиймээс түүний хамрын, сүүлний хөдөлгүүрүүд тийм аварга том байгаа юм. Тэд шаардлагатай үед маш өндөр түлхэлтийг бий болгоно, хэрэггүй бол маш хурдан зогсоодог.
Жек: Дөрвөн туслах хөтлөгч байдаг. Хоёр нь хамрын хэсэгт, хоёр нь хойд хэсэгт.
Евг: Одоо дөрвөн туслах хөтлөгч хэвийн ажиллаж байна. №1-2 хамрынх, №3-4 сүүлнийх, тиймээс бид хөлөг онгоцыг хүссэн чиглэлдээ эргүүлж чадна.
Жек: Эдгээр туслах хөтлөгчүүдийн тусламжтайгаар “Аметист” багахан завсарлагтайгаар хажуугаараа, мөн урагш, хойшоо хөдөлгөөн хийдэг. Тэд үндсэн сэнстэйгээ адилхан үүсгэж байгаа түлхэлтээ хянахын тулд ирнийхээ алхамыг өөрчлөх чадвартай. Тэд байршил тогтоох системийн нэг хэсэг, мөн хөлгийг удирдах боломж өгдөг ч цаг агаарын байдлыг хянахад хүчин мөхөсддөг. Нэг бол салхины хурд эсвэл давалгааны өндөр энэ ажлын зогсоож чадна.
Алек: Тийм ээ. Эдгээр хоёр өрөмдлөгийн тавцангуудыг ачихын тулд бидэнд 18.5 км/цаг хэрэгтэй, далайн түвшин хагас метрээс бага хэвээр байна. Хэрэв тэр эдгээр хязгаараас хэтэрсэн бол ачих боломжгүй, учир нь энэ аюултай. Бид хөлөг онгоцыг, ачааг гэмтээж мэднэ, хамгийн чухал нь ачих үед багийнхаа гишүүдийг гэмтээж мэднэ.
Жек: Шинэ Орлеаны ойролцоо 18:00 цаг болжээ, Алекс цаг агаарын мэдээг шалгаж байна.
Евг: Энд урсгалтай. Үүлтэй.... шөнө дөө бага зэрэг, өглөө арай их.
Жек: Тэр цаг агаарын цонх нь багасч байгааг мэдэж байлаа. Шуурга тэдний зүг чиглэж, багийнхан гэнэт санаа зовцгоож эхэллээ.
Евг: Манайд гэнэтийн хүчтэй салхин шуургатай байна. Салхины хурд 102 км/цаг хүртэл. Тус бүс нутагт хүчтэй давалгаа урд зүгээс ирж байна.
Жек: “Аметист” нийт 23,000 тонн жинтэй хоёр өрөмдлөгийн цамхаг ачихыг хүлээж байгаа. Гэвч шөнө нь цаг агаар эрс муудлаа.
Евг: Манайд гэнэтийн хүчтэй салхин шуургатай байна. Салхины хурд 102 км/цаг.
Жек: Одоо найман баллын хүчтэй салхи шуурч байна. Ажиллах боломжтой салхины хурднаас тав дахин давсан.....
Евг: Ойлголоо, юу тохиолдсон учрыг нь олж чадах уу?
Жек: ... хүчтэй шуургатай үед цонх гарахгүй бол энэ ажил тасалдах эрсдэлтэй.
Евг: Энэ бол цаг агаарын таагүй байдал аажмаар, хэдхэн секундын дотор хэрхэн өөрчлөгдөж болдгийн тод жишээ.
Жек: Тэд “Аметист” зангуунаасаа мултрахгүйн тулд хөдөлгүүрийн хүчийг ашиглахаар болжээ.
Евг: Гэхдээ зангуу сайн барьж байгаа, бид яг одоо аюулгүй байгаад би итгэлтэй байна, зүгээр л юмыг яаж мэдэхэв, аливаа юманд бэлтгэж байна.
Жек: Зовлонтой удаан хүлээсний дараа ширүүн бороо намдаж, зөвхөн хүчтэй салхи үлээж байна. Евгений өрөмдлөгийн тавцан дээр юу болж байгааг мэдэх ёстой. Хэрэв тэр хоёрын нэг нь асуудалтай байвал ачих ажлыг зогсоохоос араггүй.
Евг: Энэ бүс нутагт салхины эсрэг хамгаалалт байдаг. Тиймээс тэд зүгээр байгаа гэж найдаж байна.
Жек: Маргааш өглөө нь салхи намджээ. Гэвч багийнхан далайн түрлэг аюулгүй хязгаарт буцаж ирэхийг хүлээж байх зуур өрөмдлөгийн тавцангууд уснаас хэр гүнд байгаа тухай шинэ мэдээ гэнэт ирлээ. Тэд бодож байснаас ч доогуур аж. Өрөмдлөгийн тавцангуудыг ачих арга нь ер бусын учраас энэ нь “Аметист”-ийн хувьд гэнэтийн зүйл болжээ. 25,000 тонн бөөн төмрийг тавцан дээр өргөх боломжгүй мэт санагдана. ЖПО компанийн инженерүүд хөлөг онгоцны үйлдвэрлэлийн өмнөх хуулийг зөрчих хэрэгтэй болжээ.
Даг: Үндсэн тавцан усан доогуур орно. Бид түүнийг шумбуулна.
Жек: “Аметист” өрөмдлөгийн тавцангуудыг ачих арга нь тавцангаа тэдэнд тохируулан зориудаар усаны гүнд орж, дараа нь ачаатай хамт дээшээ хөвж гарч ирнэ. “Аметист” нь зөвхөн хагас шумбадаг учраас түүнийг хагас суулттай гэж нэрлэдэг.
Ник: Аварга том хөлөг онгоц бүхэлдээ усанд шумбаж, дараа нь хүнд ачаатай дахин гарч ирэхийг харах үнэхээр сайхан. Энэ үйл явдлын цар хүрээ ухаанд багтамгүй.
Дэн: Надад үнэхээр гайхалтай санагдсан. Хүссэн үедээ шумбах чадвартай энэ хөлөг онгоц ШУ-ны хуулийг зөрчсөн.
---------------------------------------------------------------------------------------------------------------------------------------------------------------------------------------------------------------------------
Жек: Тэгвэл “Аметист”-ыг зохион бүтээгчид хөлөг онгоцны үйлдвэрлэлийн үндсийг зөрчиж түүнийг хэрхэн бүтээсэн вэ? Хариулт нь тавцангийн доор нуугдаж байдаг. Ган сараалжнуудын доор ачааны зай, бүхээг байхгүй. Хөлөг онгоцны их бие бүхэлдээ тогтворжуулагч усны савнуудаас бүрддэг. Тэднийг усаар дүүргэх үед хөлгийн усан түрц багасгаж, хөлөг онгоц аажмаар усны шугамын доод талаараа усанд сууж эхлэнэ.
Евг: Үгүй ээ, чи тэр эхний дэгээг тэнд нь бэхэл. Харин хоёр дахь энд байх ёстой.
Жек: "Аметист" шумбахад бэлэн байгаа ч газрын тосны цамхагууд төсөөлж байснаас доор суусан байна гэсэн мэдээ бүх юмыг өөрчлөхөд хүргэжээ. Өрөмдлөгийн тавцанг хөлөг онгоцны тавцан дээр гаргахын тулд хөлөг онгоцыг төлөвлөснөөс илүү доошлуулах хэрэгтэй боллоо. Мөн яаралтай шийдвэрлэх шаардлагатай ноцтой асуудал ч гарчээ. Усанд суух үед тавцан дээр гагнасан чиглүүлэгч тулгуурууд нь усны дээгүүр харагдахуйц байх ёстой бөгөөд энэ нь өрмийн төхөөрөмжийг яг хаана байрлуулахыг заах ёстой юм.
Евш: Яг ярьж байснаараа. Хоолойнд нүх гаргаад углачих.
Жек: Усан онгоц суухын хэрээр эдгээр чиглүүлэгч тулгуурууд бүр харагдахгүй болно.
Евг: Манай чиглүүлэгч тулгууруудын анхны загвар нь 7м өндөр, хөвөгч ачаа хөлгийн тавцан дээр байх үед тэд харагдахуйц байхын тулд чиглүүлэгч тулгууруудыг 2 метрээр сунгах хэрэгтэй.
Жек: Хэрэв баг чиглүүлэгч тулгууруудынг өөрчлөх боломжгүй бол ажиллагааг бүхэлд нь цуцална.
Евг: Бидэнд 2 метр хүртэл өндөртэй тусгай антеныг гагнах сонголт байгаа.
Жек: Тулгууруудыг уртасгаснаар ажиллагааг үргэлжлүүлэх боломжтой болно. Багийнхан хурдан ажиллах ёстой. Цаг агаарын цонх хэр удаан үргэлжлэхийг тэд мэдэхгүй. Эцэст нь ахмад сэтгэл хангалуун байна. Асар том тавцан одоо хоёр аварга ачааг хүлээн авахад бэлэн болсон бөгөөд ажиллагаа эхлэх боломжтой. Үүнд зургаан цаг орчим хугацаа шаардагдана. “Аметист”-ийн их бие 122,000 шоо кубометр ус багтаах чадалтай, энэ нь олимпийн 49 усан санг дүүргэхэд хангалттай, мөн болзошгүй аюул учруулж мэднэ.
Ник: Усан онгоц долгионд дайвалзаж байх үед тэр бүх тогтворжуулагчийн уснууд нэг талаас нөгөө рүү, эсвэл нэг захаас нөгөө зах руу цалгивал хөлөг онгоц хөмрөх нь гарцаагүй. Хөлөг онгоцыг хөмрөхөөс зайлсхийх маш энгийн шийдэл байдаг, үүний тулд онгоцны доод хэсгийгн тооны тогтворжуулагч усны савнууд болгон хуваах хэрэгтэй. Цалгих гадаргууг нь аль болох олон хэсэгт хуваах ёстой.
Жек: Их бие нь гурван давхаргад байрладаг 76 тогтворжуулагчтай усны савнуудад хуваагддаг. Энэ нь хөлөг онгоцыг ямар ч үед тогтвортой байлгахын тулд их биеийн аль хэсгийн усыг хоослохыг нарийн зохицуулах боломжийг багийнханд олгодог.
Даг: Энэ их төвөгтэй. Их олон тогтворжуулагчууд байдаг.
Жек: Ахмадын тавцан дээр баг шумбалтаа эхлүүллээ.
Евг: Энэ бол бүх ажиллагааны гол тархи нь. Тиймээс энэ үнэндээ энэ хөлөг онгоцонд зориулагдсан систем.
---------------------------------------------------------------------------------------------------------------------------------------------------------------------------------------------------------------------------
Жек: Усан онгоцны тавцан нь 8800 метр2 талбайтай бөгөөд тэр 9,5 хүртэл метрт доошилж эхэллээ.
Евг: Энэ бол усан онгоц ачаа тээвэрлэх хугацаанд эерэг тогтвортой байдлыг хангахаар тооцож зориулалтын тогтворжуулагчийн усны савнууд руу ус татах физик процесс.
Жек: Өглөө эрт хөлөг онгоцны их биеийг амжилттай усанд суулгаж чадлаа. Гэвч яг одоо тэр илүү эмзэг байгаа.
Евг: Би хэлж чадахгүй. Бид зүгээр л сандраагүй. Бид сандарч байна.
---------------------------------------------------------------------------------------------------------------------------------------------------------------------------------------------------------------------------
Жек: Усанд доош орсон “Аметист” аварга ачаануудын нэг нь дээр нь гарч ирэхийг хүлээж байна. Ажиллагааны дараагийн хэсэг хамгийн аюултай нь: нүсэр ачаа, “Аметист”-ын тавцан хоёрыг хооронд хүрэлцүүлэх ёстой. Зөвхөн энэ төхөөрөмж 12,300 тонн жинтэй. Тиймээс "Аметист"-ийн багийнхан хөлөг онгоцоо бүрэн живүүлэхгүй байхад анхаарах ёстой.
Евг: Бүх ажилчид, ялангуяа тодорхой нэг системийг удирдаж буй залуус, тэр дундаа үүнийг удирдаж буй залуус үргэлж сонор сэрэмжтэй байх ёстой.
Ник: Хөлөг онгоцыг ачихад зориулан тогтворжуулсан үед тэр их эмзэг болдог. Дахиад жаахан ч гэсэн доошлуулах хэрэггүй, тэр живж мэднэ.
Жек: Одоо хөлөг онгоцонд ойролцоогоор 90,700 тонн ус байна. Түүнийг доошлоход саад болсон зүйл нь усны түвшин дээр ил гарсан тулгуур хэсгүүд. Тэд хөлгийн усан шугамтай огтолцсон газрыг усны хавтгай гэдэг.
Ник: “Аметист”-ыг тээвэрлэхээр тохируулж тогтворжуулсан бол тэр асар том усны хавтгай талбайтай байна, энэ түүнд ер бусын тогтвортой байдлыг өгдөг. Харин ачихаар тохируулж тогтворжуулсан бол түүний усны хавтгай талбай маш өчүүхэн болдог.
Жек: Ахмадын тавцан хөлгийн хамрыг, бүр илүү чухал нь энэ хоёр аварга цамхагууд сүүл хэсгийг тогтоон барьж байна.
Даг: Энэ хоёр цамхаг, бас хамрын хэсэг бараг л хөлгийг бараг л хэвтээ байдалд барьж, хөлөг хөвсөөр байна. Эдгээр цамхаг тус бүр 3000 тонн ын багтаамжтай тогтворжуулагч усны савнуудтай.
Жек: Тэд усны мандал дээр байгаа цагт гадаргууны усан талбай хангалттай том байж, тэр хэрээр хөлөг онгоц далайн ёроол руу явахыг зогсооно.
Алекс: Уэзерли, энэ Аметист байна. Хэр сонсогдож байна?
Жек: Ашгүй дээ. Цаг агаар сайхан дээр эхний тавцанг ачиж болно.
Алекс: Уэзерли, чиглүүлэгч тулгуурт аль болох ойртоорой. Аль болох ойртож оч.
Жек: Алекс тавцанг болгоомжтойгоор “Аметист” руу татахыг гурюан чирэгчид зааварлаж байна.
Алекс: Уэзерли, хурдаа 40% хасаарай.
Уэз: Мэдлээ.
Алек: Ойлголоо. Хүлээж авлаа.
Жек: Тэр хэр дөхнө, тэр хэрээр эрсдэл нэмэгдэнэ.
Ник: Хөлөг онгоц дөнгөж уснаас цухуйж байна. Түүнд нөөц хөвөх чадвар байхгүй, түүний эргэн тойронд чирэгчүүд л байна, бас түүн рүү нэг нүсэр зүйл дөхөж байгаа. Мөргөлдөх эрсдэл маш өндөр.
Жек: Одоо ачааны булангуудыг чиглүүлэгч тулгууруудтай нэг шугамд өргөгч кранаар болгоомжтой өргөхийн тулд хөлөг онгоцонд бэхлэх шаардлагатай.
Евг: Эхний трос “Аметист”-ийн баруун талаар бэхлэгдсэн. Трос №1.
Жек: Дөрвөн холбогч тросуудын тусламжтайгаар өрөмдлөгийн тавцанг шууд тавцан дээр байрлуулж болно.
Алекс: Уэзерли, тэр постод аль болох ойртож очоорой. Хэрэв чи чадвал зүгээр баруун талаа бариад яваарай. 3-5-аа, хөлөг онгоцоо шилжүүл. 5-аа, баруун талаар, 5-аа баруун талаар нь.
Жек: Тэд өрөмдлөгийн тавцанг чиглүүлэгч тулгууруудыг чиглүүлэн сөөм сөөмөөр татаж, тэд тавцанг хаана байрлуулахыг яг таг тэмдэглэж байна.
Евг: Ингээд тавцан бараг байрандаа ирсэн, ачаа хариуцагч ачаан дээрх тэмдэглэгээг тулгуур баганууд дээрх тэмдэглэгээтэй тааруулахын тулд тулгаж байна.
Жек: Энэ эгзэгтэй мөч. “Аметист” өрөмдлөгийн тавцанг уснаас гаргах үед тэмдэглэгээнээс нэг л см хазайвал тавцан дээрх жингийн хуваарилалтыг алдагдуулж, хөлөг онгоцыг бүхэлд нь тогтворгүй болгож мэднэ.
Евг: Эцсийн байдлаар ачсаныг шалгаад нэмэлт троснуудаар бэхлэх хэрэгтэй.
Жек: Тэд зорьсондоо ойртож байна, гэхдээ бас болоогүй. Одоо хэрэгтэй бүх юм сүүлчийн чармайлт.
Евг: Сүүлчийн ажил хийгдэж байна.
Алек: Тэгэхээр, тэмдэглэгээ хөндлөн байна.
Евг: Тэмдэглэгээ чиглүүлэгчийн шон дээрх тэмдэглэгээний дээгүүр байна, бид үүнийг тооцож үзээд одоо уснаас дээшилж эхэлнэ.
Габ: Усан доороос дахин өндийхийн тулд усны савнаас 90,800 тонн ус шахаж гаргах ёстой. Үүнийг маш хурдан хийх ёстой, энэ нь үнэхээр гайхмаар.
Жек: Одоо хөлөг онгоц өөрийгөө, бас 12,300 тонн өрөмдлөгийн цамхагийг усан дороос шууд өргөхөд бэлэн болжээ. Үнэний мөч ирлээ.
---------------------------------------------------------------------------------------------------------------------------------------------------------------------------------------------------------------------------
Жек: Мексикийн буланд "Аметист" гараан дээрээ байна. Ачих ажиллагааны эцсийн бөгөөд хамгийн аюултай үе шат эхэллээ. Одоо уг тавцанг усаар дүүрсэн тавцан дээр суурилуулсан байгаа. Тэд хөлөг онгоцыг уснаас гаргаж эхэлж болно. Бүгд түгшсэн байна. 12,300 тоннын даацтай өрөмдлөгийн тавцан байрандаа бэхлэгдсэн боловч тэр хөлөг онгоцтой хүрэлцэх хүртэл хөвсөөр, тааварлашгүй хэвээр байна.
Ник: “Аметист” усан доор байхдаа маш эмзэг байдаг, тэр тонн тонноор нь усаа шахаж гаргах ёстой.
Жек: Өндөр хурдтай сэнстэй шахуургууд нь төвөөс зугтах хүчийг ашиглан усан сангаас усыг ер бусын хурдтайгаар цагт 15,000,000 литрийг шахдаг. Нэг өдрийн оронд долоон цагийн дотор усны савнуудыг хоослох боломжтой.
Евг: Илүү сайн гүйцэтгэлтэй байхын тулд шахуургууд том хэмжээтэй байдаг. Бага зэрэг чимээ шуугиантай.
Жек: Усан онгоц дээшилж эхлэхэд тавцан болон өрөмдлөгийн тавцан хоёр уулзах шийдвэрлэх мөч ирдэг.
Евг: Юм буруугаар эргэж мэдэх олон хүчин зүйлс байдаг учраас бид үүнд бэлэн байх ёстой. Бид үүнийг бодолцохыг хичээдэг, одоохондоо алдаа гараагүй л байна.
Ник: Бүх ажиллагааны хамгийн эрсдэлтэй мөчүүдийн нэг нь хөлөг онгоцыг дээш гаргаж, ачаатай хүрэлцэх байдаг. Ачаа яг зөв газартаа байгаа гэдэгт бид итгэлтэй байх ёстой.
Жек: Шахуургууд нь маш хүчтэй учраас гэнэт хөвж гарах явцыг хатуу хянах шаардлагатай болдог. Яг одоо ямар нэг зүйл буруу болвол аюул болно.
Нил: Хэрэв тогтворжуулагчийн системд асуудал гарч, хөлөг онгоц санаснаараа дээшлэхгүй бол хөлөг онгоцны тогтвортой байдал алдаж, улмаар түүнийг хөмрөхөд хүргэж болзошгүй.
Жек: Гэхдээ “Аметист” хөрвөөх чадвартай. Тэр тэнцвэрээ хадгалахын тулд жингээ өөрчилдөг. Шахуургууд усны савнаас усыг зөвхөн далай руу буцаан шахдаггүй. Тэд мөн усыг хөлөг онгоцны дотуур нь шилжүүлэх чадвартай. Ачаа хөдөлгөөнгүй байсан ч “Аметист” тогтвортой байхын тулд хүндийн төвөө шилжүүлж чаддаг юм.
Габ: “Аметист” аварга том өрөмдлөгийн тавцанг өргөхдөө болгоомжтой байж хүндийн төв хөлөг онгоцны төвд байхад анхаарах ёстой, тиймээс, хэрвээ өрөмдлөгийн тавцан төвөөс бага зэрэг хол, жаахан урагшаа, эсвэл зүүн тийш эсвэл баруун тийш байвал нэг усны савнаас нөгөөд усыг шилжүүлэх замаар үүнийг нөхөж болно.
Жек: Хөлөг онгоц уснаас гарч байна. Амжилт. “Аметист” эхний өрөмдлөгийн цамхагийг ачлаа.
Евг: Тэгэхээр, бид аюулгүй боллоо.
Жек: Дараагийн өдөр нь баг тавцан дээр хоёр дахь төхөөрөмжийг суурилуулах үйл явцыг давтах хэрэгтэй болно. Хөлөг онгоц уснаас дээшлэх үед багийнхан тогтворжуулагчийг анхааралтай ажиглаж байна. Хоёр өрмийн машин хоёулаа уснаас гарсан, зөв газартаа байна. Одоо Оман руу урт удаан аялал хийхээс өмнө багийнхан тэдгээрийг найдвартай гагнах боломжтой боллоо.
Жек: Эцэст нь, "Аметист" болон түүний гайхалтай 22,700 тонн ачаа дэлхийн нөгөө өнцөг рүү хөвөхөд бэлэн болжээ. Энэ бол дэлхий дээр бараг ямар ч хөлөг онгоц хийж чадахгүй ажил билээ.
Евг: Ачих ажил дууссан гэж бид үзэж байна.
Жек: Түүний ер бусын хэт бөх тавцангаас эхлээд хэт хүчтэй хөдөлгүүр хүртэл... ... сөөм алдахгүй төгс байрлуулахаас эхлээд олон усны савтай тогтворжуулах цогц систем хүртэл. Энэ бол хүнд үйлдвэрийн хамгийн том бүтээл билээ.
Габ: “Аметист” гайхалтай, учир нь тэд эдгээр бүх технологиудыг нэгтгэж, таны төсөөлж чадахаас ч илүү өөрийнхөө ажлыг төгс гүйцэтгэж чадах хүнд даацын хөлөг онгоцыг бүтээсэн юм.
---------------------------------------------------------------------------------------------------------------------------------------------------------------------------------------------------------------------------
Төгсөв
Back to episodes Go home