Episode

SuperstructuresEngineering 2 angi

Супер байгууламж: Инженерийн гайхамшиг: Хамгийн өндөр барилга

Үргэлжлэл: 44:10 мин.

Дүрүүд:

Эр:

Бенжамин Флауэрс

Рома Агравал

Эндрю Стил

Грег Санг

Билл Бэйкер

Башар Кассаб

Ахмад Аль Фаласи

Марсель Шаап

Максвелл Хатчинсон

Эм:

Сьюз Кунду

Рома Агравэл

Кантоннет

---------------------------------------------------------------------------------------------------------------------------------------------------------------------------------------------------------------------------

Жек: Энэ цамхаг орчин үеийн инженерийн байгууламжийн оргил нь. Түүний өндөр нь 828 метр.

Билл: Дэлхийн хаана ч ийм хэмжээтэй барилгыг хэн ч бариагүй.

Жек: Дубайн тэнгэр баганадсан Бурж-Халифа дэлхийн хамгийн өндөр барилга билээ. Хагас сая гаруй тонн жинтэй, цөлийн тэнгэр баганадсан барилга нь дэлхийн дөрөвний нэгийг тойрох хангалттай ган хийцтэй. Гэхдээ цоо шинэ дотоод бүтэцгүйгээр энэ барилга босохгүй.

Билл: Бусад барилгад ашиглаж байсан зүйлсээс авч томруулаад байж болохгүй, энэ бүтэхгүй.

Жек: Барилгыг барих явцад дизайнерууд төлөвлөгөөгөө өөрчилж, амбицаа нэмэгдүүлсэн нь үнэхээр зоригтой алхам байлаа.

Билл: Бид эхлүүлсэн барилгаа дээш өндөрсгөх нь ховор, гэвч энэ барилга улам өндөр болсоор байсан.

Жек: Өнөөдөр бүх тэнгэр баганадсан барилгуудыг түүнтэй харьцуулдаг.

Билл: Би энд ирэх болгондоо би... бидний хийсэн ажлаар үнэхээр бахархадаг.

Бен: Бурж Халифагийн ер бусын шинэлэг зүйлсийн ихэнх нь барилгын фасадны цаана халхлагдсан байдаг учраас та түүнийг хэзээ ч барилгаас олж харахгүй.

Жек: Энэ барилга яаж биелэллээ олсныг мэдэх цорын ганц арга нь түүнийг хэдэн хэсэг задлаж, инженерийн нууцыг нь нээх юм.

СУПЕР БАЙГУУЛАМЖ: ИНЖЕНЕРИЙН ГАЙХАМШИГ

ХАМГИЙН ӨНДӨР БАРИЛГА

Жек: Бурж-Халифа 825 метрийн өндөр. Энэхүү мега цамхагийг шинэ хотын төв хэсэг байхаар төлөвлөжээ.

Сьюз Кунду – Материал судлаач, “Дижитал Сайэнс” компани

АНЭ улсын хөгжил газрын тосны баялагаас шалтгаалж байсан юм. Гэвч нөөц нь хомсдохын хэрээр тэдэнд өөрсдийгөө ирээдүйд бэллдэх хэрэгтэй болсон. Тийм учраас тэд юу хийж байна гэхээр, тэд энэхүү аялал жуулчлалын газрыг огт өөр шалтгаанаар байгуулж байна.

Сьюз: Дэлхийн хамгийн өндөр барилгад очиж үзсэн гэж хэлэхгүй байхыг хэн хүсэх билээ?

Жек: Дубай хотын төвийн байршил нь Европ, Азийн жуулчдыг татахад тохиромжтой ажээ. Гэхдээ, тэнгэр баганадсан барилга барихад хамгийн тохиромжгүй газруудын нэг. Арабын цөлийн хатуу ширүүн нөхцөлийн ачаар.

Сьюз: Дубай бол ямар нэг барихад хамгийн хэцүү газруудын нэг. Дэлхийн хамгийн өндөр барилгыг оролцуулахгүйгээр шүү дээ. Энд маш халуун, маш хуурай байдаг.

Жек: 2003 онд Бурж дөнгөж мөрөөдөл байх үед Дубайн энэ хэсэг элсээс өөр зүйлгүй байлаа. Энэхүү амбицтай төслийг хэрэгжүүлэхийн тулд дэлхийн шилдэг инженерүүдийн баг цугласан байна. Түүнийг тэнгэр баганадсан барилгын мэргэжилтэн Билл Бейкер ахалжээ.

Билл: Шинэ газар төсөл эхлүүлэх бүрт юун дээр барих вэ гэдгээ тодруулах хэрэгтэй: элсэн дээр үү, чулуун дээр үү, шавар дээр үү?

Жек: Билл болон түүний багийнхан цамхаг барих талбайг судлахдаа гуч гаруй метрийн гүнд өрөмдлөг хийжээ. Тэдний үр дүн тааруухан байх ёсгүй.

Билл Бейкер – Барилгын бүтцийн инженер, СОМ

Бидний тэр дороос олсон зүйл тунамал чулуулаг байсан, өөрөөр, чулуу. Тэр бөх бат шохойн чулуу, боржин чулуутай огт адилгүй. Тэр чулууг кальцисилтит гэж нэрлэдэг, үүнийг үг үгээр нь задлавал: “кальци” нь хясаа, “силт” нарийн тоосонцор гэсэн үг. Тиймээс үүнийг далайн хясааны тоос гэж нэрлэдэг юм.

Жек: Цамхагийн барилгын ажил эхлэхээсээ өмнө ноцтой асуудалтай тулгарчээ.

Сьюз: Ийм хэмжээтэй барилга асар их жинтэй байхаас гадна маш бат бөх суурь шаарддаг. Элсэрхэг орчинд газар ухаж байгаа үед үүнийг хийхэд их хэцүү, учир нь энэ барилгыг бэхлэх чулуу дор нь байхгүй.

Жек: Цаг хугацаа өнгөрөхөд барилга доош сууж мэднэ, өөрөөр хэлбэл, барилгын нэг хэсэг нь сууж эхлэнэ, энэ тохиолдолд маш ноцтой асуудал үүснэ. Жирийн байшин сууж болно, сууж байгаа байшинд буцаж очоод, түүнийг домкратаар өргөөд өндийлгөж болдог. Харин дэлхийн хамгийн өндөр барилга төдийгүй дэлхийн хамгийн хүнд барилгуудын нэгийг тэгж өндийлгөж чадахгүй.

Жек: Бат бөх суурьгүйгээр барилга өөрөө өөрийгөө дааж чадахгүй. Италийн хазайсан алдарт Пиза цамхаг ердөө 3 метрийн зузаантай суурьтай, сул элстэй хөрсөн дээр баригдсан байдаг. Түүнд аврал байхгүй.

Жек: Чикаго дахь Монаднок байшин намгархаг, сул хөрсөн дээр баригдсан. Тэр 1891 онд баригдсан цагаасаа хойш 54 см доош суужээ. Мөн Сан Францискогийн Мянганы цамхаг арав хүрэхгүй жилийн дотор 46 см доош суусан бол хамгийн аюултай нь энэ барилга баруун хойд зүгт 30 см-аас илүү хазайж, аюултайгаар хагарсан байна.

Бен: Бурж Халифа үнэхээр хүнд жинтэй. Барилгын суурь нь барилгын жинг бараг өөртөө үүрдэг. Энэ бол уг суурь нь түүний дээрх бүх барилгын жинг бүхэлд нь үүрнэ гэсэн үг юм. Урд нь дэлхийн хаана ч ийм цар хүрээтэй зүйл хийж байгаагүй.

Жек: Ажил дууссаны дараа барилга хагас сая гаруй тонн жинтэй болно. Суурин тохирох хатуу чулуулаг байхгүй тул Билл болон түүний багийнхан дахин бодохоос аргагүй болжээ. Тэгээд тэд гайхалтай шийдлийг гаргаж ирэв.

Жек: Бурж нь газрын гадаргаас 7,3 метрийн гүнд суулгасан 3,70 метрийн зузаан аварга том цул суурь хавтан дээр байрладаг. Нийт 7400 хавтгай дөрвөлжин метр талбайг хамрах бөгөөд энэ нь 28 хагас теннисний талбайн хэмжээтэй. Түүнийг цул суурь хавтан гэдэг, учир нь тэр зөөлөн хөрсөн дунд хөвж, цамхагийн асар их жинг аварга том гадаргуу дээгүүр жигд хуваарилдаг байна.

Рома Агравэл – Барилгын бүтцийн инженер, АЭКОМ

Бодоод үзье л дээ, хэрэв та зун гадсан өсгийт өмсөөд зүлгэн дээгүүр алхаж байтал өсгий зүлэгт шигдэж, арагшаа савж унах шахдагийг бид мэднэ. Үүний оронд хавтгай ултай пүүз өмсөж явбал тийм зүйл болохгүй. Үүний шалтгаан нь таны жин илүү том талбайд сайтар тархадаг тул даралт бага байна. Харин гадсан өсгийт дээр ганцхан цэг дээр жин ихээр төвлөрсөн байдаг.

Жек: Цул суурь хавтан жинг гайхалтай сайн тарааж өгдөг. Гэхдээ тэр өөрөө байрандаа тогтож байх ёстой. Хэрэв хажуугаараа хазайвал цамхаг өргөгдөж, эцэст нь нурж мэднэ.

Жек: Цул суурь хавтан 194 төмөр бетон гадаснуудаар бэхлэгджээ. Тус бүр нь 1.5 метрийн диаметртэй тэдгээрийг зөөлөн хөрсөнд 50 м-ээс доош суулгасан байна. Гэхдээ уламжлалт төмөр бетон гадаснуудаас ялгаатай нь тэд хатуу чулуунд огт тулахгүй. Үүний оронд тэднийг үрэлтийн хүч тогтоож байдаг.

Эндрю Стил - физикч

Үрэлт бол үнэхээр гайхалтай хүчтэй хүч. Зүгээр л элсэнд шигдэх эдгээр суурийн аль нэг өөрт нь үзүүлэх асар их хүчийг тэсвэрлэх чадваргүй байдаг. Хэрвээ тус бүр нь бага зэрэг үрэлттэй төмөр бетон гадаснууд хангалттай байгаа бол тэд хамтдаа энэ барилгын асар их жинг тэсвэрлэж чадна.

Жек: Цөл тэднийг зогсоохоор ихээхэн чармайлт гаргасан ч Билл болон түүний баг үнэхээр гайхамшигтай суурь хийж чаджээ.

Билл: Барилга нь маш бага суусан. Ойролцоогоор 40-50 миллиметр, өөрөөр хэлбэл, 5 см-ээс арай бага. Миний эрхий хуруу 2,5 см зузаан гэж бодъё, тэгвэл барилга хоёр эрхий хурууны хэртэй суусан гэсэн үг, энэ хэр суулт өгсөн тухай ойлголт өгөх жишээ. Тэр маш сайн суурь болсон.

Жек: Инженерүүд цөлийн тогтворгүй хөрсний асуудлыг шийдсэн хэдий ч тэд одоо эгц 826 метр өндөр цамхаг барих үлджээ. Дэлхийн хамгийн өндөр барилгыг тогтвортой байлгахад бат бөх суурь дангаараа хангалтгүй, мөн цамхаг дотор далдлагдсан даацын шийдлүүд ч мөн адил чухал.

Бен: Бид тэнгэр баганадсан барилгуудыг ган төмөр хүрээгээр босгож, шилэн фасаднууд бэхлэсэн барилгууд гэж ойлгодог. Харин Бурж Халифа бол үнэндээ цутгамал бетон хийц.

Жек: Цемент нь Бурж Халифыг барихад маш тохиромжтой материал. Дубай тогтворжсон бетоны үйлдвэрээрээ алдартай. Дээр нь угсардаг хэв хашмалын ачаар бетоныг ер бусын хурдан цутгадаг юм.

Рома: Хэв хашмалууд нь ихэвчлэн модоор хийсэн хэд хэдэн хавтангуудаас бүрддэг. Мөн хэв хашмалуудыг хэлбэрт оруулж, тэднийг тогтоох олон тооны гидравлик тулгуурууд, бэхэлгээнүүдийг хийсний дараа дотор нь шингэн бетон зуурмагийг цутгана. Дараа нь бетон хатуурч, бэлэн болно.

Жек: Бетон зуурмаг хатсаны дараа хэв хашмалыг дараагийн давхарт шилжүүлэ, үйл явц дахин давтагдана.

Грег Сэнг – Төслийн удирдагч, ИМААР

Уламжлалт системээр бол нэг давхарыг барих хэв хашмалийн угсралтын ажилд бидэнд 6-7 өдөр шаардагддаг. Буржийн хувьд бид ихэвчлэн давхар бүрт 3 өдөр ажиллаж байсан. Заримдаа бүр хоёр өдөр хагас ч болж байлаа.

Жек: Энд хурд чухал үүрэг гүйцэтгэнэ.

Жек: Цагаач ажилчдын цалин бага, нөхцөл тааруу байгаагаас санаа зовнилт байсан ч барилгын ажилд өдөр бүр хэдэн зуун мянган долларын зардал гарч байлаа.

Жек: Цамхаг ер бусын хурдан дээшилсээр. Гэвч барилга дээшлэх тусам барилгын ажил улам бүр хүндэрч байлаа.

Грег: Өмнө нь хэн ч 610 метрийн өндөрт бетон зуурмаг шахаж байгаагүй. Учир нь тийм шаардлага ч байгаагүй.

Жек: Гэхдээ үүнийг яг одоо, хурдан хийх хэрэгтэй.

Жек: Дэлхийн хамгийн өндөр барилгыг сүндэрлүүлэх нь амаргүй байлаа. Бүх үе шат, үйл явцууд асар их хүчин чармайлт шаардаж байв.

Эндрю: Бэрхшээлүүдийн нэг бол барилгын материалыг яг хэрэгтэй өндөрт нь хүргэх явдал. Бид газарт байна, гэтэл хэдэн арван давхар өндөрт бетон зуурмагийг шахах гэж байна гэж төсөөлөөд үз дээ.

Жек: Бетон зуурмагийг 15 метрийн өндөрт шахахад минут орчим болдог. Тэгэхээр, Бурж-Халифын дээд түвшинд хүрэхийн тулд зуурмаг хоолойнд хагас цаг болох учраас энэ томоохон асуудал болдог.

Рома: Зуурмаг хатуурч эхлэнэ, улмаар энэ нь шахуургын хувьд маш зүйл болно. Энэ нь үндсэндээ шахуургыг доголдуулдаг.

Жек: Хэрэв шахуургууд доголдвол барилгын ажил зогсох болно. Гамшгаас урьдчилан сэргийлэхийн тулд инженерүүд Буржид тусгайлан зориулсан цоо шинэ төрлийн бетон бүтээх ёстой.

Рома: Бид нэмэлт хольц гэж нэрлэдэг зүйлийг нэмж болно. Бид тэрхүү багахан химийн бодисыг бетон зуурмагтай хольж найрлагийг нь өөрчилсөнөөр хэрэглэх зуурмаг хангалттай шингэн, хангалттай уян хатан болж, түүнийг хатахаас нь өмнө шаардлагтай өндөрт шахаж болно.

Жек: Хэдэн долоо хоногийн турш туршилт хийсний дараа тохирсон хольцыг гаргаж авчээ. Гэхдээ энэ бетон зуурмаг яг хэрэгтэй газартаа очиход хангалтгүй хэвээрээ байлаа. Цөлийн халуунд бетон зуурмагийг хэтэрхий хурдан хатууруулахгүйн тулд түүнд мөс хийж, зөвхөн шөнийн цагаар шахах шаардлагатай болжээ. Дэлхийн хамгийн хүчирхэг шахуургуудыг хүнд ажилд дайчлахаар Дубайд авчирсан байна.

Билл: Бид Путцмайстер гэдэг гайхмаар нэртэй шахуургыг ашигласан юм, бетон зуурмагийн шахуургын хувьд сайхан нэр. Путцмайстер нэг өргөгчөөр барилгын сууриас 600 метрийн өндөрт бетон зуурмаг шахаж чадсан.

Жек: 600 метрийн өндөрт бетон зуурмаг шахсанаар дэлхийн шинэ дээд амжилтыг тогтоожээ. Энэ Бурж Халифагийн дээд амжилтуудын анхных нь.

Жек: Одоо төв хэсэгт нь барилгын бараг бүх өндрийн дагууд нь зургаан талт бетонон цөм бий болжээ. Тэр бетон дотор дэлхийн дөрөвний нэгийг тойрох хангалттай ган арматурын төмрүүд бий. Гэвч Буржийн ер бусын өндөр дахин асуудал үүсгэжээ.

Билл: Баганын энэ бетонон зүрхэвч нь өөрөө тийм өндөрт гарахааргүй дэндүү нарийхан.

Жек: Хөндлөнгийн туслалцаагүйгээр тэр тогтохгүй байлаа.

Билл: Бусад барилгад хийсэн зүйлийг аваад тэднийг зүгээр л томруулж болохгүй. Энэ чинь бяцхан амьтныг зааны хэмжээтэй болгохтой адил, энэ бүтэхгүй. Бид өөр шийдэлтэй өөр бүтцийн систем, огт өөр системийг бодож олох хэрэгтэй болсон.

Жек: Биллийн шинэ систем нь олон зуун жилийн түүхтэй сүм хийдүүдээс санаа авсан бөгөөд тэдгээрийн гол барилга нь тулгуур бэхэлгээтэй байдаг аж. Бурж Халифад төв цөмийг ороосон гурван ийм тулгуур байдаг. Тэдний нарийн бодолцож зохион байрлуулсан нь ачааллыг зүрхэвчнээс холдуулж, түүнийг суурийн хавтангийн бүх хэсэгт хуваарилахад тусалдаг. Энэ тохиргоог тэнгэр баганадсан барилгад анх удаа ашиглажээ.

Рома: Хэрвээ цамхагийн төвд ирж байгаа асар их ачааллыг одоогийнх шиг хуваарилаагүй бол газар дээрх ачаалал хамаагүй илүү байх байсан.

Жек: Тулгуур бэхэлгээтэй болж, бетоны асуудлыг шийдсэний дараа Бурж улам дээшилсээр байлаа. Гэвч өндөр болох тусам ажилчдад илүү аюултай болж эхэлжээ.

Эр: Би бэлэн биш.

Жек: Хүмүүсийг хамгийн өндөр давхруудад хүргэхийн тулд ган торнууд ашигладаг.

Жек: Түвшин дууссаны дараа түүний захаар нь хаалт хашлага хийж байлаа. Тэгсэн хэдий ч барилгын ажлын үеэр харамсалтай нь дор хаяж 3 хүн амиа алджээ.

Жен: Өнөөдөр ажилчид өөрсдийнхөө ажлыг хийхийн тулд хэт өндөрт ажиллахаас араггүй.

Башар Кассаб – Байгууламжийн зохион байгуулалт, Бурж Халифа

Бид 11109 өндөр дээр байна, бид Арманигийн орох хаалган дээр. Бидэнд фасадны энэ хэсгийг цэвэрлэх даалгавартай.

Жек: Барилгыг дээрээс нь доош цэвэрлэхэд 3 сар шаардлагтай. Тэгээд энэ бүхнийг гараар хийнэ.

Башар: Манайд гадна цонхнуудыг угаах 36 хүн аалзнууд байгаа. Ний нуугүй хэлэхэд, ингэж гадагш гарахын тулд ган шиг мэдрэлтэй байх ёстой.

Жек: Аз болоход эдгээр эрчүүдийн хувьд ер бусын өндөрт авирах тэдний цусанд нь байдаг. Учир тэд Балбаас наашаа ирцгээсэн юм.

Башар: Гималайн нуруутай Балбаас өөр олсоор авирах мэргэжилтнүүдийг хаанаас олж авчрах вэ? Би тэдэнтэй уулзах бүртээ: “Та нар яаж ингэж чадаж байна аа?” гэхээр тэд: “Байдаг л нэг өдөр, эрхэм ээ. Байдаг л нэг өдөр” гэцгээдэг.

Жек: Хүн бүрийг гурван олсоор барилгатай бэхэлж, нөхцөл байдлыг сайтар хянаж байна.

Башар: Өнөөдөр салхитай байна. Яг одоо салхины хурд 9,7 м/сек., бид бүх ажлыг ажиглаж байна.

Жек: Салхи ширүүсэж, хүмүүст үнэхээр аюултай боллоо.

Жек: Дэлхийн хамгийн өндөр барилга болсон Бурж Халифаг үзэмжтэй байлгах нь бүтэн цагийн ажил. Хэт өндөр, хүнд нөхцлөөс болж энэ улам хэцүү болж байна.

Башар: 21, 22... Нэмэгдэж байна.

Жак: 22 зангилаа гэдэг нь 11,3 метр/сек. гэсэн үг. Олснууд, бусад хэрэгслүүд шилэнд цохигдоход хангалттай хүчтэй.

Башар: Хүчтэй салхитай байна, бид даруйхан зогсоох хэрэгтэй. Бид тэднийг буцааж дуудъя.

Жек: Салхи зөвхөн ажилчдад аюул учруулаад зогсохгүй, маш ухаалаг инженерийн шийдлүүдийг ашиглаагүй бол бүхэл бүтэн барилгыг нураах аюултай байлаа.

Жек: 2007 онд Бурж Халифа шав тавьснаас хойш гурван жилийн дараа дэлхийн хамгийн өндөр барилга болох замналаа амжилттай үргэлжлүүлж байна. Тэр одоо Эмпайр Стэйт Билдингээс аль хэдийн өндөр болсон ч өмнө нь дахиад хэдэн арван давхарууд бий. Гэвч цамхаг дээшлэх тусам тэр хэрээр аюулд өртөнө. Энд, Аравийн цөлд элсэн шуурга байнга аюул учруулж байдаг юм. Хүчтэй салхи улаан элстэй өтгөн үүлийг авчирч, зам дээр эмх замбараагүй байдал үүсгэж, нисэх онгоцны буудлуудыг хаадаг. Ийм сүйрлийн аюултай шуурга нэн ховор. Харин зуны улиралд хойд болон баруун зүгийн хүчтэй салхи Дубайг байнга дайрдаг. Тэд 80 км/цаг-аас дээш хурдтай бөгөөд Буржийн хувьд энэ ноцтой аюул юм.

Сьюз: Ямар ч өндөр барилгад салхи хүндрэл учруулдаг. Гэхдээ ийм өндөр барилгад энэ бүр ч том асуудал болдог.

Эндрю: Тэнгэр баганадсан барилгын сонгодог хэлбэр нь асар том, зарчмын хувьд тэгш өнцөгт хийц, энэ нь аэродинамикийн үүднээс жинхэнэ сүйрэл.

Билл: Салхи ямар ч барилгын фасадыг дээрээс нь доош нэгэн жигд нүдэх үед хуйн урсгал гэгч бий болдог, тэрхүү агаарт эргэлдэх хуй барилгын хоёр талаар тойрно.

Бен: Эдгээр хуйнууд нийлсний дараа нам даралтын талбай үүсгэдэг. Ингэснээр барилгад дарамж үзүүлэх юм уу, эсвэл өөрөө барилгад татагддаг. Хэрэв барилгын загварыг буруу гаргавал эдгээр ачаалал барилгыг ганхахад хүргэнэ.

Жек: 1940 онд Такома Нарроусын дүүжин гүүрний тэгш гадаргуу дээр салхи шуурч, хуй үүсгэж, энэ нь гүүр нээгдсэнээс хэдхэн сарын дараа сүйрэхэд нөлөөлсөн. Мөн 1965 онд хүчтэй салхи Английн цахилгаан станцын гурван хөргөлтийн цамхагийг сүйтгэжээ. Дубайд үүнтэй төстэй гамшгаас урьдчилан сэргийлэхийн тулд ерөнхий инженер Билл Бейкер барилгын ажил эхлэхийн өмнө мега цамхагуудын дизайныг сайтар туршиж үзсэн байна.

Билл: Бид гэртээ ирээд туршилтын талаарх мэдээлэл авсан бөгөөд хариу нь тийм ч сайн байгаагүй. Барилга нь маш ихээр савлаж, даралт нь хэтэрхий их байсан.

Жек: Багийнхан савалгааг багасгах ямар нэгэн зүйл хийх хэрэгтэй болжээ.

Бен: 20-р зууны ихэнх хугацаанд өндөр барилгуудад барилгын савлагаатай тэмцэх маш энгийн механизмыг ашигладаг байсан. Өөрөөр хэлбэл, барилгын орой дээр пүрш хэлбэрийн механизмтай бэхлэгдсэн маш том туухай байдаг, тэр барилгын аливаа хөдөлгөөнийг тэнцвэржүүлэхэд зориулагдсан юм.

Жек: Үүнийг инерцийн сааруулагч гэж нэрлэдэг бөгөөд хамгийн өндөр барилгын дэлхийн дээд амжилтыг эзэмшиж байсан Тайбэй 101-д ашигласан систем юм.

Бен: Барилга зүүн тийш хэт найгаж эхэлбэл эсрэг жин баруун тийш хөдөлж, барилгыг шулуун байлгахад тусална. Энэ нь барилгыг найгахаас сэргийлж чадахгүй ч хэт их савлахаас сэргийлдэг.

Жек: Тайбэй 101-ийн сааруулагч найдвартай ажилладаг. 2015 онд тэр 185 км/цагийн хурдтай хар салхины үед ажилласан байна. Гэвч ийм хамгаалалт их үнэтэй тусна.

Сьюз: Тайбэй 101 барилгын сааруулагч 6 давхарыг эзэлдэг. Харин тэд Бурж-Халифад ийм зайг дэмий үрэхийг хүсээгүй. Тиймээс тэд үүнийг шаардлагагүй болгохын тулд ухаалаг зүйл бүтээсэн юм.

Жек: Билл нэг далайлтаар салхийг номхотгож, аварга амортизаторын хэрэгцээг нэгэн зэрэг арилгасан уламжлалт бус санааг бодож олжээ.

Билл: Энд бид асуудлыг шийдсэн арга нь ачааллыг багасгах явдал байсан. Бидний хийсэн зүйл гэвэл барилгын хэлбэрийг өөрчилсөн юм.

Эндрю: Та нар Буржийг ажиглавал юуны түрүүнд уламжлалт хэлбэртэй биш тэнгэр баганадсан барилга харагдана. Тэр маш ер бусын хөндлөн огтлолтой, Бурж дээшлэхийн хэрээр энэ хөндлөн огтлол нь өөрчлөгддөг. Тэр дугуйрч, хэмжээ нь өөрчлөгддөг.

Жек: Цамхаг гурван дэлбээтэй цөлийн сараана хэлбэртэй болж, өвөрмөц, өргөн тулгуур бүтэцтэй болсон. Дээшээ өгсөх тусам нарийсч, спираль хэлбэрээр дугуйрдаг. Тиймээс түүнд нэгдмэл, нэг цул фасад гэж байхгүй.

Бен: Олон янзын өндөртэй тэнгэр баганадсан барилгууд хоорондоо нийлсэн юм шиг харагдана.

Эндрю: Үүний үр дүнд салхи Буржид хүрэхэд тэр янз бүрийн түвшинд өөр өөр хариу үйлдэл үзүүлнэ. Энэ нь янз бүрийн өндөрт салхины хуй өөр өөр байна гэсэн үг юм. Тиймээс асар их хүчийг бий болгож чадах тогтвортоы нэг том салхины оронд маш олон жижиг салхины хуйнууд бий болно.

Бен: Энэ нь хуй салхины урсгал барилгыг цохиж, түүнийг гэмтээж чадахгүй гэсэн үг юм.

Жек: Билл аэродинамикийн хоолойд буцаж ирэхэд түүнийг үр дүн нь гайхшруулжээ. Ингээд Бурж Халифагийн өндрийг эрс өөрчилсөн байна.

Жек: Бурж Халифа тэнгэр баганадсан барилгын 148-р давхарт байдаг энэхүү ажиглалтын тавцан нь 550 м-ээс дээш өндөрт бөгөөд өдөр бүр олон зуун хүн барилгын гайхалтай өндөрт татагдаж энд ирцгээдэг. Гэхдээ энэ мега тэнгэр баганадсан барилга хэзээ ч ийм өндөр байх ёсгүй байсан юм.

Ахмад: Хамгийн өндөр нь байх нь эхэндээ бидний зорилго байгаагүй. Зорилго нь маш агуу төслийг бий болгох явдал байсан.

Жек: Инженерүүд салхинд тэсвэрлэхээр бодож барилгын хэлбэрийг өөрчлөхдөө нэгэн ер бусын гаж нөлөөг олж мэджээ.

Билл: Бид салхины ачааллыг багасгахын тулд барилгыг спираль маягаар дугуйруулсан. Тийм учраас түүнийг харьцангүй өндөр барьж болох байлаа. Цамхаг улам улам өндөр болсоор байсан. Барилгын суурийг цутгаж, барилгын доод хэсэг баригдсаны дараа ч гэсэн.

Жек: Барилгын ажил эхэлсний дараа эцсийн байдлаар өндрийг нь өөрчлөх нь зоримог алхам юм.

Ахмад: Дубайн хамгийн өндөр барилга ердөө 33 давхар байсан. Тиймээс бид одоо хаана байгааг төсөөлөөд үз дээ. Тиймээс энэ нь миний хувьд яг л зүүд шиг байсан.

Жек: Гэвч нэмэгдсэн өндөр шинэ асуудал дагуулж мэдэх юм. Буржид очдог жуулчдаас гадна тэнд олон мянган хүн ажиллаж амьдардаг. Барилга нь жижиг хоттой тэнцэхүйц 35 мянган хүний багтаамжтай.

Эндрю: Хотын хамгийн чухал хэсгүүдийн нэг нь тээврийн сүлжээ, хэрэв Бурж шиг босоо хоттой бол энэ зайлшгүй шаардлагатай.

Бен: Энэ бүхэл бүтэн барилгад тулгарч буй гол бэрхшээлүүдийн нэг бол хүмүүсийг хэрхэн хурдан, асуудалгүйгээр нааш цааш явуулах вэ?

Жек: Шат оновчтой биш. Гэхдээ Буржид энэ хангалттай, бараг 3000 орчим шаттай.

Сьюз: Босоо хотын амьдралд цахилгаан шат хамгийн чухал.

Жек: Дахин хэлэхэд, энэ анх санагдсан шиг амархан зүйл биш гэдгийг цамхагийн ер бусын өндөр хэлж өгнө.

Бен: Урдын цагт өндөр барилгууд баригдахад мэдээжийн шийдэл нь цахилгаан шат давхар бүрт зогсохоор бодож хийдэг байсан. Энэ эхэндээ учиртай юм шиг санагдана. Гэхдээ, хэрэв та бямба гарагийн өглөө зочид буудлаас гарахаар болж, долоон давхар барилгийн хамгийн дээд давхарт байсан бол давхар бүрт зогсоно гэдгийг маш сайн мэддэг. Та доод үүдний танхим руу 30 секундэд буух байсан бол одоо гурван минут хагас болно. Энэ танд маш удаан санагдана. Одоо үүнийг 160 давхраар үржүүлээд үз.

Жек: Хүмүүс өдрийн хагасыг цахилгаан шатанд өнгөрүүлэх шаардлаггүй болгохын тулд инженерүүд хотын зорчих хөдөлгөөнөөс санаа авсан шийдэл гаргажээ.

Бен: Танд буухиа галт тэрэг, орон нутгийн галт тэрэг байна. Буухиа нь таныг зогсохыг хүсэхгүй байгаа 90 хороололыг өнгөрч зогсоно, та бууж, бууж, хамгийн сүүлд очих ёстой хоёр, гурван хороолол руу орон нутгийн галт тэргээр очно. Үүнтэй ижил зүйлийг цахилгаан шатанд ашиглаж болно.

Жек: Барилгын яг төвд нь, бетонон зүрхэвчинд 57 цахилгаан шат байдаг. Үүний найм нь зөвхөн 43, 76, 123 давхаруудад зогсдог өндөр хурдны цахилгаан шатнууд. Тэднийг тэнгэрийн үүдний танхим /вестибюль/ гэж нэрлэгддэг.

Жек: Эндээс хүмүүс эндэхийн цахилгаан шатнуудын нэгээр бүх завсрын давхаруудад гарах боломжтой. Системийг илүү үр ашигтай болгохын тулд хоёр цахилгаан шатыг хоёр давхар бүхээгтэй хийжээ, жуулчид 148-р давхарын ажиглалтын тавцан руу гарч байхад дээд бүхээгнийх өөрсдийнхөө оффис руу гарч байдаг.

Марсель: Яг одоо бид Бурж Халифагийн зүрхэнд нь байна. Миний хажууд та нар дэлхийн хамгийн том хөдөлгүүрүүдийг, өөрөөр, хоёр давхар цахилгаан шатуудыг ажилуулдаг хамгийн том хөдөлгүүрүүдийг харж байна.

Жек: Бурж дэлхийн хамгийн хурдан цахилгаан шатнуудтай. Тэд 35 км/цагийн хурдтайгаар хүмүүсийг хэдэн зуун метрийн дээр доор өргөж, буулгаж байдаг.

Марс: Лифтийг хурдлуулах, удаашруулах явцыг нарийн хянаж байдаг. Бидний ажил бол хүмүүс хөдөлгөөнийг мэдрэхгүй байх ёстой.

Жек: Энэхүү ер бусын хурд нь бас өөр зорилготой. Цахилгаан шатнууд нь нүүлгэн шилжүүлэх хэвшмэл ойлголтыг бүрэн өөрчилсөн төлөвлөгөөний нэг хэсэг юм.

Сьюз: Гал гарсан тохиолдолд хүмүүс цахилгаан шатанд суухгүй, үргэлж шат ашиглах ёстойг бүгд мэддэг. Харин Бурж Халифад энэ арай өөр.

Жек: Тодорхой нэг цахилгаан шат бүхэл бүтэн 138 давхар хүртэл явдаг. хүртэлх гайхалтай аялалтай, Дэлхийн бусад ямар ч барилгуудын цахилгаан шатнуудаас илүү гэсэн үг. Тэр бол Буржийн аврах завь. Түүнийг галд тэсвэртэй зузаан бетоноор хучсан байдаг. Мөн нэг дор 26 хүн суулгаж минут хүрэхгүй хугацаанд газарт аюулгүй буулгах боломжтой.

Жек: Энд, газар дээр нь ослын найдвартай төлөвлөгөөтэй байх нь юунаас ч илүү чухал.

Сьюз: Хэрэв ямар нэгэн юм тохиолдвол 160 давхарт гацах магадлал намайг айлгадаг.

Жорж: Бурж Халифагийн яг хажууд 63 давхар зочид буудал, орон сууцны тэнгэр баганадсан барилга Адресс Tауэр байдаг. 2015 оны шинэ жилийн үдэш цахилгаанаас гал гарсны дараа хэдэн зуун метрийн өндөр барилга галд автсан юм. 2017 онд Маринагийн бамбар гэдэг онцгүй нэртэй Дубайн өөр нэг цамхаг нүүлгэн шилжүүлэлт хийх хэрэгтэй болсон. Тэр сүүлийн хоёр жилийн хугацаанд хоёр дахь удаагаа шатаж байгаа аж. Айсан олон зуун оршин суугчид зугтахаас өөр аргагүйд хүрч байна.

Эм: Тэд хүрч ирж үүд тогшоод биднийг бушуухан гараарай гэсэн. Бид ч гарах ёстой гэдгийг ойлгосон.

Жек: Харин Бурж “Бамбар”-аас хоёр дахин өндөр, олон мянган хүнийг багтаах боломжтой. Гал гарсан тохиолдолд бүгдийг нь нүүлгэн шилжүүлэхэд маш их хугацаа шаардагдана. Тиймээс инженерүүд хүмүүсийг аль болох удаан хугацаанд аюулгүй байлгахаар бодож уг барилгыг зохион бүтээжээ.

Рома: Бид хоргодох байр гэж хэлдэг зүйлийг тэд хийсэн. Өөрөөр, хүмүүс шатаар хэд хэдэн давхаруудад бууна, дараа нь тэд утаа нэвтэрдэггүй битүү өрөөнүүдэд орцгооно. Өрөөнүүд нь галд тэсвэртэй, цэвэр агаартай.

Жек: Хэрэв хүмүүс тийшээ хүрч чадвал хорогдох байрууд ажиллана. Шатны үргэлж чөлөөтэй байх ёстой. Өнөөдөр тусгайлан зохион бүтээсэн утаа дарах систем цамхагт хэвийн ажиллаж байгаа эсэхийг шалгах туршилт хийгдэнэ.

Башар: Энэ бол галын гарц бөгөөд үүнийг ашиглаж байгаа хүмүүст энэ аюулгүй байх ёстой.

Жек: Гал түймэр гарсан тохиолдолд шатнуудад цэвэр агаарыг хэвийн хэмжээнээс өндөр даралтаар шахдаг. Тэр босгон дээр үл үзэгдэх хаалт үүсгэж утааг нэвтрүүлдэггүй ажээ.

Башар: Энэ төхөөрөмж хаалганд ойрхон байгаа ч утаа дотогшоо орохгүй байна.

Жек: Бурж Халифын хамгаалалтын системүүдээс алийг нь ч хэзээ ч ашиглахгүй байх гэж найдаж байна. Гэхдээ энд, цөлд хамгийн аюултай халуун зөвхөн галаас гардаггүй.

Жек: 2007 оны тавдугаар сар, Бурж Халифагийн барилгын ажил гурав дахь жилдээ үргэлжилж байна. Одоо цамхагийн өндөр нь бараг 458 м болжээ. Ингээд барилгын шинэ үе шат буюу шилэн фасад суурилуулах ажил эхэлж байна.

Билл: Хүмүүстэй адилаар өндөр байшинг гадны нөлөөллөөс хамгаалахын тулд арьсаар бүрэх хэрэгтэй. Энд та барилгын өнгөлгөө, өлгөдөг ханыг харж байна.

Жек: Буржийн арьс шил, хөнгөн цагаанаар хийгджээ.

Бен: Тусдаа шилэн хүрээнүүд нь төмөр хүрээний дотуур сууж өгнө, үнэндээ тэднийг үйлдвэрт нь угсраад дараа нь угсарч бэлэн болгосныг нь барилгын талбайд тээвэрлэж авчирдаг.

Жек: Хавтангуудыг нэг нэгээр нь тогтоох ёстой. Бүх 2600 хавтанг байрлуулж тогтооход хоёр жил хагасын хугацаа шаардлагатай. 2009 оны 9-р сард Бурж Халифагийн бүх өнгөлгөөний хавтангууд байраа олсон байлаа. Нийт 900,000 гаруй метр квадрат шил оржээ. Энэ нь хөлбөмбөгийн талбайг 20 удаа бүрэхэд хангалттай юм. Гэвч энэ бүх шилнүүд Буржид дахин нэг асуудал авчирчээ.

Жек: Дубайд агаарын температур 50 хэмээс дээш халдаг. Барилгыг сэрүүн байлгах нь ихээхэн хүч чармайлт шаардана. Ялангуяа Бурж Халифа шиг ийм аварга шилэн барилга дотор.

Билл: Гадаргуугийн температур нэмэгдэж болно, тэр нь нэлээд өндөр. Бараг буцалж буй ус шиг халуун.

Бен: Нар өдөржин тусдаг ер бусын халуун уур амьсгалтай газрын бүхэл бүтэн шилэн барилгын тухайд, уг барилгын дотор хэдхэн цагийн дотор тал маш халуун болж, энэ үхлийн аюултай болдог.

Жек: Гэвч шилэн доторх ухаалаг технологийн ачаар мега цамхаг өөрөө аварга том хүлэмж шиг харагдахгүй ээ.

Билл: Одоо энэ барилгыг харвал тэр гялалзаж байна. Энэ бүх цацраг бол барилгад нэвтэрдэггүй нарны эрчим хүч. Тэр ойж байдаг.

Бен: Дотор талдаа шилэн хавтан, гадна талд нь төмрөөр бүрсэн нэмэлт шилэн хавтантай. Төмрийн давхарга нарны гэрлийн тусгалыг ойлгож байдаг юм.

Жек: Эдгээр тусгай бүрээсүүд нь нарны дулааны 70 гаруй хувийг ойлгодог ажээ. Гэхдээ сэрүүнээ хадгалахын тулд Буржид нарны шилнээс ч илүү зүйл хэрэгтэй. Бурж Халифагийн давхаргын дээд оройг задлавал цамхаг даяар хүйтэн агаарыг дамжуулдаг олон километр урт хоолойнууд гарч ирнэ. Та барилгын хаана ч байсан агааржуулалтын хоолой үргэлж хажууд чинь байдаг. Ийм аварга том тэнгэр баганадсан байшингийн бүх орон зайд энэ агаарыг шилжүүлэх нь маш их хүчин чармайлт шаарддаг. Цамхагт хэдэн арван метр тутамд хоёр давхар саруулхан техникийн өрөөнүүд байх бөгөөд тэнд маш хүчтэй, бүр нийлээд нэг минутын дотор 13 агаарын бөмбөлөг хөөргөх чадалтай шахуургууд байдаг. Харин Бурж 1,900,000 шоо метр агаартай. Түүнийг сэрүүн байлгахын тулд энэ аварга том барилгад багтахаас ч илүү их тоног төхөөрөмж шаардагдана.

Бен: Үүний шийдэл нь хөргөлтийн станц барих байлаа. Агаарыг хөргөх хүйтэн усаар хангахын тулд зөвхөн нэгийг биш, бүр хоёрыг цамхагаас холгүйхэн барьсан юм.

Жек: Энэ барилга арабын цайз мэт харагдах ч үнэн хэрэгтээ Бурж Халифагийн агааржуулагчийг хүйтэн усаар хангадаг өндөр технологийн хөргөлтийн станц юм. Эдгээр аварга дулаан солилцуулагчаар өдөрт 950,000 литр ус дамжин өнгөрч, дараа нь газар доорх хоолойгоор Бурж руу дамжуулдаг.

Башар: Бид зөвхөн цельсийн гурван градусын температурт хөргөсөн усыг хүлээн авдаг.

Жек: Түүнийг тэнгэр баганадсан байшингийн дулаан солилцуур дотор илүү их ус хөргөхөд ашигладаг байна.

Башар: Энэ өрөө тэр чигээрээ агааржуулалтанд зориулсан агрегатуудаар дүүрсэн. Барилга дотор байдаг 14 гол өрөөнүүдийн нэг нь энэ. Хэрэв эдгээр төхөөрөмжүүд эвдэрвэл бид хөргөлтгүй болно.

Жек: Агааржуулалтын систем нь зөвхөн тав тухтай байдлыг хангах зорилготой биш. Үүнгүйгээр барилга үхэлд хүргэх температур хүртэл хурдан халах болно.

Башар: Гадаа 50 градус хүрч халах үед та хоёр цаг орчим л тэсэж чадна.

Жек: Цамхагийг амьдрахад тохиромжтой байлгах нь чухал. Учир нь цамхаг зөвхөн жуулчдыг татах газар биш. Зарим азтай хүмүүсийн хувьд энэ бол гэр нь.

Кантоннет: Энэ зүгээр л нэг магтаал биш, энэ бол хамгийн сайхан босоо амьдрал. Энэ бол инженерийн оргил бүтээл.

Жек: Бурж Халифа нь орон сууцны 160 давхартай. Нийт 2,800,000 м.кв бүхий олон талын зориулалттай 3 сая гаруй талбайтай.

Рома: Зочид буудал, оффис, орон сууцны байр, дэлгүүр гээд энд зөндөө юмнууд байдаг.

Кант: Манай гайхамшигтай, үзэсгэлэнтэй террас. Одоо надад хэл дээ, энэ гайхалтай биш гэж үү! Чи үнэхээр диваажинд байгаа юм шиг санагддаг.

Эндрю: Хотын хамгийн чухал хэсгүүдийн нэг нь үйлчилгээний салбар. Ус, хий, цахилгаан, ариутгах татуурга, хэрэв танай хот босоо байрлалтай бол эдгээр бүх зүйлийг хэрэгцээт газарт нь хүргэхийн тулд босоогоор дээш доош нь шилжүүлж байх хэрэгтэй.

Жек: Ердийн хотыг шаардлагатай бүх зүйлээр хангах нэлээдгүй хүнд байдаг, харин энд, Буржид дийлдэшгүй таталцалын хүчний нөлөөгөөр энэ асуудал улам хэцүү болдог.

Мак: 160 давхар маш олон хүнтэй, тэр бүх хүмүүст ус хэрэгтэй. Тэд зүгээр л өөрсдийнхөөрөө амьдарч, унтаж, нүүрээ угааж, шүдээ угаадаг шүү дээ.

Жек: Цамхаг асар их хэмжээний ус хэрэглэдэг. Өдөрт 950,000 литр.

Рома: Хэрэв бид энэ их усыг газраар хэвтээ байдлаар зөөсөн бол энэ тийм ч хэцүү ажил биш байх байсан.

Жек: Гэтэл дээшээ хэцүү. 1 литр ус 1 кг жинтэй. Тиймээс Бурж Халифа өдөр бүр 1,000,000 кг ийм ачааг өргөх шаардлагатай болдог.

Рома: Усыг нэг дор бүгдийг нь дээш шахахын тулд хангалттай даралт бий болгох маш, бүр маш хэцүү, маш үнэтэй бөгөөд дэндүү их эрчим хүч зарцуулах хэрэгтэй болно.

Жек: Буржийн техникийн 14 давхаруудад ус нөөцлөх саруулхан өрөөнүүдтэй, тэнд ус хадгалах асар том савнууд байдаг. Хэрэглээний усыг барилгын доод хэсгийн нөөцийн саванд дамжуулна, тэндээс 99 км-ийн урттай хоолойнуудаар дамжуулан үе шаттайгаар барилгын дээд давхаруудад усаа шахна. Үе шат болгонд усыг хэрэгтэй болох хүртэл нөөцийн саванд байгаад хэрэг болмогц доод давхрын усны цав, цорго руу өөрөө урсаж ордог. Гэхдээ дээшээ гаргасаныг нь доошоо буулгах хэрэгтэй.

Мак: Ердийн байшинд бохирын усыг хүндийн хүчний үйлчлэлээр өөрөөр нь урсгадаг. Тэнгэр баганадсан барилгад энэ бүхэн хүрхрээ шиг сад тавьж буухыг та нар хүсэхгүй. Хоолойнуудад асар их даралт ирнэ.

Жек: Хэрвээ бохирын ус хяналтгүй урссан бол 160 гаруй км/цаг-ийн хурдтайгаар доор газарт хүрэх байсан. Тиймээс тэднийг үе шаттайгаар болгоомжтой урсгадаг.

Мак: Бохирын ус цуглуулах савнуудын тусламжтайгаар хянадаг юм. Тэд хэд давхарын доор байх усны сав руу юүлэгдэж, дараа нь мөн хяналтан дор шахаж гаргадаг.

Жек: Усны систем бүхэлдээ дуу чимээ тусгаарлагчтай тул оршин суугчид ямар ч шуугианыг сонсохгүй. Гэхдээ энд зөвхөн тэдний тав тухыг бодолцдоггүй аж.

Жек: 2007 оны долдугаар сард Бурж Халифа дэлхийн хамгийн өндөр цамхаг болсон юм. Гэхдээ тэр улам дээшилсээр л байна. Есөн сарын дараа тэр дэлхий дээрх хүний гараар бүтээгдсэн хамгийн өндөр барилга болсон ч барилгын ажил үргэлжилсээр. Түүний өмсөх титэм нь 214 м өндөртэй үзүүртэй төмөр орой юм.

Билл: Гүйцэтгэгч нь тэр оройг суурилуулахаар краныг тийм өндөрт хүргэж чадаагүй. Тиймээс бид орой нь барилгын дотор угсрахаар шийдсэн. Дараа нь түүнийг барилгын дотроос дээш нь гаргасан даа.

Жек: Үзүүртэй оройг байрлуулснаар Бурж одоо бүрэн бөгөөд эцсийн өндөртөө хүрч байна. Ухаанд багтамгүй 828 м. Энэ нь Талль-Майл тал нь юм. Газар дээр ийм өндөрт дөхөж очих юу ч байхгүй. Тэр Эмпайр-стейт-билдинг-ээс бараг хоёр дахин өндөр. Мөн түүний хамгийн ойрын өрсөлдөгч болох Хятадын Шанхайн цамхаг нь 182.88 метрээр богино. Гэвч ер бусын өндөр нь түүнийг бай болгожээ.

Билл: Бурж Халифа бол Дубайн аянга зайлуулагч гэж хэлж болно. Үзүүртэй оройг нь ихэвчлэн аянга цохигддог.

Жек: Дубайд аюултай хүчтэй шуурга болдог, тэр бүрт аянга бууж мэднэ.

Сьюз: Аянгын үүл нь зуун сая вольт агуулж болно. Тиймээс барилгыг нэг вольтын цахилгаан цахиж цохивол асар их хохирол учруулна.

Эндрю: Бурж шиг урьд өмнө байгаагүй ийм өндөр барилгад аянга хичнээн их эсвэл хэр их нөлөө үзүүлэх ёстойг тооцоолох өгөгдөл бидэнд байгаагүй.

Жек: Бурж дээр хоёр удаа аянга буух нь гарцаагүй. Цамхаг баригдсанаас хойш орой нь 18 гаруй удаа аянганд цохиулжээ.

Бен: Аливаа өндөр барилгын гол ажил бол аянгийн учрыг хэрхэн олох, түүнийг барилга руу нэвтрүүлэхгүйгээр газарт хор хөнөөлгүй хүрч, ямар ч асуудал үүсгэхгүй болтол нь барилгын хананы дагуу доош нь чиглүүлэх хэрэгтэй байдаг.

Ахил: Би тийшээ өгсөхөөс тийм ч их айдаггүй.

Жек: Үзүүртэй оройд дэлхийн хамгийн боловсронгуй аянгын хамгаалалтын систем бий. Өнөөдөр аж үйлдвэрийн авирах мэргэжилтнүүдийн нэг нь саяхан болсон шуурганы дараа түүнийг эвдэрсэн эсэхийг шалгах гэж байна. Туршлагатай уулчин хүртэл оргилд хүрэхийн тулд бараг нэг цаг зарцуулдаг. Энэхүү аянгын шор дээрх мэдрэгчүүд аянга буухыг урьдчилан таамаглаж, аянгыг шор луу татахын тулд цэнэгийн урсгалыг илгээдэг. Орой дээр аянга буух үед энэ ажилладаг.

Сью: Бурж Халифа маш өндөр учраас аянга зөвхөн орой дээр нь буудаггүй, барилгын хаана ч цохиж болно. Эргэн тойрон дахь бүх зүйл аянгаас хамгаалагдсан байх ёстой.

Жек: Азаар цамхагт нэг нууцлагдмал заль байдаг.

Жек: Бурж Халифагийн бүхэл бүтэн металл гадна араг яс нь Фарадейгийн тор шиг үйлчилж, аянгийг гаднаас нь газар луу татдаг.

Эндрю: Энэ Фарадей тор нь цахилгаан гүйдлийг тэнгэр баганадсан барилга доторх бүх чухал зүйлс, цахилгаан хэрэгсэлүүд, дотор байгаа хүмүүс, барилга дотор юуг ч гэмтээхгүй байхаар чиглүүлдэг.

Жек: Инженерийн хамгаалалт нь Бурж Халифаг бараг 10 жилийн турш аюулгүй байлгаж, энэ хугацаанд дэлхийн бэлгэ тэмдэг болсон юм.

Билл: Энэ цамхаг ухаанд багтдаггүй юм. Хэрэв та оройн цагаар барилгын дэргэдэх нуур руу очвол жилийн турш өдөр бүр олон мянган хүмүүс тэр барилгыг, барилга, усан оргилууруудыг, гэрлийн шоу үзэхээр цугласан байгааг олж харах болно. Энэ цамхаг Дубайг дэлхийн тавцанд гаргасан юм.

Ахмад: Энэ бүхэн мөрөөдлөөс эхэлсэн, дараа нь тэр мөрөөдөлтэйгээ аялж, энэ цамхаг өдөр бүр улам өндөрссөөр, улам өндөрссөр байсан.

Жек: Хөдөлгөөнгүй сууринаас эхлээд хад шиг цул бетон зүрхэвч хүртэл. Энэхүү цамхаг нь инженерийн оюун санааны гайхамшиг, түүний ер бусын хамгаалалтаас эхлээд хэвийн ажиллах боломжоор нь хангасан ухаалаг шийдэл хүртэл.

Канн: Бид хамгийн шилдэг нь хэвээрээ, бид хамгийн өндөр нь хэвээрээ, бид эндээ байсаар байна.

Билл: Өнөөдөр өглөө наашаа явж байгаад миний хамгийн сайн мэддэг энэ барилгын зургийг авахаар зогсож билээ. Би тэгэх ч ёстой, энэ барилга үнэхээр гайхалтай.

Жек: Бурж Халифа бол урьд өмнө баригдаж байгаагүй хамгийн агуу байгууламжуудын нэг билээ.

------------------------------------------------------------------------------------------------------------------------------------------------------------

Төгсөв

Back to episodes Go home