16

Эмэгтэй: Манай үйлдвэрийн үйл ажиллагаа өнгөрсөн жилээс хойш уруудаж байгааг би гадарлаж байсан юм.
Эмэгтэй 2: Та нар манай үйлдвэр урьд нь ямар байсныг санаж байна уу? Ажилчид амарч байхад ч машинууд нь хэзээ ч зогсдоггүй байж билээ.
Эмэгтэй: Тэр үед бизнес үнэхээр цэцэглэж байсан. Гэтэл өнгөрсөн жилээс хойш сул зогсолттой машинууд олширлоо.
Эмэгтэй 2: Бид үнэхээр цомхотголд орчих юм биш биз дээ? Мэдээгээр дандаа л цомхотгол, дахин ажил эрхлэлтийн тухай гарч байна. Хараач, "өөртөө итгэж, өөрийгөө хөгжүүл" гэнэ. Нам, засгийн бодлогыг дагаж, хувийн бизнесээ эхлүүлж, хувиараа хөдөлмөр эрхлэгч болцгооё. Дин хатагтай, та урьд нь хувиараа бизнес хийдэг байсан шүү дээ. Хувиараа ажиллах хэцүү юу?
Эмэгтэй 3: Хэрэв амархан байсан бол Бин Юин манай үйлдвэрт ажилд орох байсан гэж үү?
БЮ: Вэй хатагтайн зөв өө. Үйлдвэрт ажиллахад түшиж тулах үйлдвэрчний эвлэл гэж бий. Энэ нь хувиараа ажиллахаас хамаагүй тогтвортой байдаг юм.
Эмэгтэй 3: Одоо олон том үйлдвэрүүд манайх шиг хаалгаа барьж, эсвэл хагас сул зогсолтын байдалд ороод байна даа.
БЮ: Ноён Гао. Завгүй байна уу?
Гао: Чи ирчихээ юу.
БЮ: Тийм ээ.
Гао: Нөгөө...
Эмэгтэй: Сонсож байна уу? Хүү минь, явж Шиао Жүнтэй хамт гэрийн даалгавраа хий.
Гао: үймүүлэхээ боль. өрөө рүүгээ ор. Хурдал.
Эмэгтэй: Бурхан минь. Тэд ерөөсөө үгэнд орохгүй юм.
Гао: Бин Юин ирчихлээ. Хэрэв чи түүнд хэлмээр байгаа бол өөрөө хэл.
Эмэгтэй: Чи хэлнэ гэж бид тохироогүй билүү?
Гао: Юу? Үгүй ээ, үгүй. Би түүнд хэлэх хүн нь биш.
Эмэгтэй: Би хэлэхгүй ээ. Чи хэл.
Гао: Бин Юин. Хүнсээ цуглуулаагүй юм уу?
БЮ: Гэрт байгаа нь хангалттай хүрэлцэнэ ээ.
Гао: Манай эхнэр чамд хэлэх зүйл байгаа гэнэ.
Эмэгтэй: Бин Юин, чамтай ярилцах зүйл байна. Оны эхээр бид хотын зүүн хэсэгт нэг байр авсан юм. Ирэх сард тийшээ нүүх бодолтой байна. Тийм болохоор чиний суудаг өрөө болон дэлгүүрийг тэр чигт нь түрээслүүлэхээр шийдлээ. Үнэндээ хүүхдүүд маань хамтдаа тоглож, хамт өсөж байгааг харах сайхан байдаг ч...
БЮ: Зүгээр дээ. Шинэ байр авсан чинь сайн хэрэг. Тэгээд ч хүүхдүүд сургууль дээрээ уулзана шүү дээ. Надад жаахан хугацаа өгөөч. Би өөр газар олъё. Шинэ байр олмогцоо нүүх болно оо.
Эмэгтэй: За, тэгээрэй. Нүүхэд тусламж хэрэг болбол хэлээрэй.
БЮ: За, тэгье.
Эмэгтэй: Би чамайг ингээд орхиё доо.
(16-р анги: Урсгалын эсрэг...)
Найз: Шиао Жүн. Би үүнийг оллоо. Хугацаа нь дуусаагүй байна, гоймонтойгоо холиод идвэл амттай байх.
ШЖ: Баярлалаа.
Найз: Зүгээр дээ.
ШЖ: Чи өнөөдөр гэр лүүгээ явах юм уу?
Найз: Тийм ээ. Их сургуулийн интернет үнэхээр авах юм алга. Би дахиж тэвчиж чадахгүй нь. Чи хэзээ явах юм?
ШЖ: Би тасалбараа хараахан аваагүй байгаа.
Найз: Үерхэж эхэлснээсээ хойш чи их өөрчлөгдөж байна шүү. Өмнө нь амралт болохоор хамгийн түрүүнд гэр рүүгээ гүйдэг байсан. Одоо энд үлдэх шалтгаантай болсон бололтой.
ШЖ: Би ажил хайж байгаа юм.
Найз: Надад нэг цагийн ажил байна. Гэхдээ чамд тохирохгүй байж магадгүй.
ШЖ: Юу юм бэ?
Найз: Чи хөнгөн романс зохиолуудыг мэдэх үү?
ШЖ: Мэдрэмжийн зохиол уу?
Найз: Чамд тохирохгүй байж магадгүй гэж хэлсэн дээ. тоглосон юм.
ШЖ: Хөлс нь хэд юм?
Найз: Иймэрхүү гар бичмэлийн үнэ ихэвчлэн 1000 үг нь 300 юань байдаг. Гэхдээ ихэвчлэн 600-800 юань төлдөг юм. Хэдийг авах нь хэдэн үг бичихээс чинь л шалтгаална.
ШЖ: За, би хийе.
Найз: Нээрээ юу?
ШЖ: Тийм ээ.
Найз: За тэгвэл. Интернетээс сайн судалж, энэ төрлийн зохиолтой танилц. Иймэрхүү зүйл дээр заавал уран зохиолын хэллэг хэрэглэх шаардлагагүй. Хамгийн гол нь шууд бөгөөд ойлгомжтой байх ёстой. Хамгийн чухал нь хүмүүсийн зүрхний цохилтыг түргэсгэх хэрэгтэй шүү.
Ю Я: Хоол бол амьдрал, амьдрал бол түүх юм. Эрүүл бөгөөд амттай хоолны эрэл хайгуулаа бидэнд даатга. Хоолонд дуртай найзууд маань өнөөдөр дахин нэг амттантай танилцах нь ээ. Таны гоо үзэсгэлэн, эрүүл мэндийг дэмжих амттай хоолыг таалан соёрхоно уу. Хатагтай Хуаны өнөөдөр хийсэн энэ аяга гоймон харагдах байдал болон үнэрээрээ үнэхээр дур булаам байна. Хөнгөн, халуун ногоо багатай хоолонд дуртай хүмүүс туршиж үзээрэй. Энэ бол танай гэр бүлд зориулсан амттай, тохиромжтой хоол юм.
Эмэгтэй: Уучлаарай.
ШЖ: За?
Эмэгтэй: Чи бас бичлэгт орохоор ирсэн үү?
ШЖ: Үгүй ээ, би найзыгаа хүлээж байна.
Эмэгтэй: Энэ миний нэрийн хуудас. "Шанхай Вэйвс" медиа агентлаг. Сонсож байсан уу? загварын агентлаг байгаа юм. Чамд загвар өмсөгч болох өгөгдөл байгаа юм шиг санагдлаа. Манай компаниар зочилж сонирхохгүй биз?
ШЖ: Би сонирхохгүй байна.
Эмэгтэй: Ийм хурдан битгий татгалз даа. Хэрэв чи энэ салбарт амжилт олвол нэлээд их хэмжээний орлого олох болно.
ШЖ: Зүгээр ээ, баярлалаа.
Эмэгтэй: За яахав. Сайн бодож үзээрэй.
ШЖ: Баярлалаа.
Ю Я: За, "Хуаны гал тогоо" нэвтрүүлгийн өнөөдрийн дугаар үүгээр дуусаж байна. Дараагийн дугаараар дахин уулзацгаая.
Найруулагч: За, боллоо. Бүгд сайн ажиллалаа. Өнөөдөртөө ингээд дуусъя.
ШЖ: Чи даарсан байх. Гар чинь мөс шиг хүйтэн байна. Гадаа цас орж байна.
Ю Я: Нээрээ гэж үү?
ШЖ: Тос, утаа үнэртэж байна. Би такси барья, чи юмаа цуглуулчих. Хөл чинь даарсаар л байна уу?
Ю Я: Үгүй ээ. Миний хөл даарч байгааг хэн ч тоодоггүй байсан, харин чи анхаарч байна. Чи намайг яагаад Шанхайд дуртайг мэдэх үү?
ШЖ: Яагаад?
Ю Я: Учир нь чиний ирээдүй яг одоо хэр зэрэг хичээж байгаагаас чинь л шалтгаалдаг болохоор. Тийм болохоор шаргуу ажиллах нь хүртэл нэг төрлийн сорилт шиг санагддаг юм. Чи хамгийн доод цэгтээ очсон ч буцаад босох тэр эрч хүч чинь чухал.
ШЖ: За, хоёулаа хамтдаа хичээцгээе.
Ю Я: Сая чамтай ярьж байсан эмэгтэй хэн бэ?
ШЖ: Танихгүй ээ. Өөрийгөө авьяас хайгч гэх шиг болсон. Загвар өмсөгч болох хүсэлтэй эсэхийг минь асуусан юм.
Ю Я: Чи хүсэж байна уу?
ШЖ: Үгүй ээ.
Эр: Хувийн хэвшлийн эдийн засаг бол манай улсын социалист зах зээлийн эдийн засгийн чухал хэсэг юм. Улс орныхоо уриалгыг дагаж, өнөөдрөөс эхлэн манай компани ажилласан жилээс хамааруулан ажлаас чөлөөлөх болон цомхотголын туршилтыг эхлүүлж байна. Бид та бүхнийг дахин ажилд ороход чинь туслах болно гэдэгт итгэлтэй байж болно. Үүний нэг арга бол хувиараа бизнес эрхлэхийг дэмжих явдал юм.
(Бичиг: 4.8 сая цомхотголд орсон ажилчид дахин ажилд орлоо)
Эр: Үйлдвэртэй гэрээ байгуулсан тохиолдолд бид та бүхнийг богино хугацааны мэргэжлийн сургалтад хамруулах болно. Санаа зоволтгүй. Манай үйлдвэр хүн бүрийг ажилтай болгохын төлөө хичээх болно.
Эмэгтэй: Бин Юин. Чи яагаад хоол хийж байгаа юм бэ? Би жаахан жигнэсэн боов хийсэн юм, чамд авчирлаа. Халуунаараа байгаа шүү.
БЮ: Эгч ээ, ингэж өөртөө төвөг удах хэрэггүй дээ. Сүүлийн үед үйлдвэр дээр ажил бага байгаа болохоор хоол хийх цаг гарч байна.
Эмэгтэй: Өө, нээрээ тийм. Тэд юу гэж байна? Бүх хүнийг цомхотгох гэж байгаа юм уу?
БЮ: менежер мэдэгдэл хийсээн. Ажилласан жилээр нь мөнгийг нь өгөөд халах юм байна. Би тэнд ажиллаад удаагүй болохоор хамгийн түрүүнд цомхотголд орох нь тодорхой.
Эмэгтэй: Тэгээд чи одоо яах бодолтой байна?
БЮ: Хараахан шийдээгүй л байна.
Эмэгтэй: Чи надтай хамт зоогийн газар ажиллуулбал яасан юм бэ?
БЮ: Зоогийн газар уу?
Эмэгтэй: Тийм ээ.
БЮ: Шиао Жүн ирэх жил дунд сургуульд орно. Хэрэв би зоогийн газар ажиллуулбал тэнд маш их цаг зарцуулах хэрэгтэй болно. Тэгвэл би хүүдээ анхаарал тавьж чадахгүй шүү дээ.
Эмэгтэй: За за. Тэгвэл бодож л бай. Би явлаа шүү.
БЮ: Эгч ээ, та хоолоо идсэн үү? Үлдээд манайд хоол идэхгүй юм уу?
Эмэгтэй: Зүгээр ээ, гэрт амжуулах ажил их байна. Би ингээд явлаа.
БЮ: Гэрийн даалгавраа сайн хийгээрэй.
Сү Э: Дин Бин Юин үү? Юу вэ? Намайг танихгүй байгаа юм уу?
БЮ: Сү Э.
Сү Э: Бин Юин. Энэ чиний байшин юм уу?
БЮ: Би түрээсэлж байгаа юм.
Сү Э: Түрээсэлж байгаа гэж үү?
БЮ: Май, цай уу.
Сү Э: Тэр үед салж байхад Фү Чян чамд юу ч өгөөгүй юм уу?
БЮ: Өгсөн шүү дээ. Тэр надад хүүг минь өгсөн.
Сү Э: Үгүй ээ, тэр...
ШЖ: Ээж ээ, би ирлээ. хөөх, ямар их хоол вэ.
БЮ: Эхлээд гараа угаа.
ШЖ: За.
Сү Э: Сайн уу. Чамайг Дин Шиао Жүн гэдэг үү?
БЮ: Шиао Жүн, энэ бол хатагтай Ли.
ШЖ: Сайн байна уу, хатагтай Ли.
Сү Э: Чи үнэхээр эелдэг хүү байна.
БЮ: Идээд үз.
Сү Э: Би өөрөө аягалчихъя.
БЮ: Май, үүнийг ав.
ШЖ: Ээж ээ, би үүнийг идэхгүй ээ. Та өөрөө ид.
БЮ: Чи ид ээ. ахиад зөндөө байгаа.
ШЖ: За.
Сү Э: Бин Юин. Хүү чинь үнэхээр ачлалтай юм аа.
БЮ: Чи энэ удаа хэр удах гэж ирэв?
Сү Э: Би дахиж буцахгүй ээ.
БЮ: Нээрээ гэж үү? гэр бүлийнхэн чинь хамт ирсэн үү?
Сү Э: Үгүй ээ. Шиао Жүн, тахианы далавч амттай байна уу? Май, минийхийг бас ид. Сайн ид.
ШЖ: Зүгээр ээ, надад байгаа.
Сү Э: Анх Гуанжоуд очиход надад бүх зүйл хэцүү байсан. Хийсэн болгондоо мөнгөө алдсан. Дараа нь би хуучин нөхөртэйгөө танилцсан юм. Бид бөс бараа зарж нэлээд мөнгө олсон. Тэгээд үйлдвэр хүртэл нээсэн. Би хүүхдээ хараад гэртээ суудаг байлаа. Тэр үйлдвэртээ хэдэн эмэгтэй ажилчид авсан юм. Гэтэл тэр хүүхэмсэг амьтан байж таарсан. Тэр бүх эмэгтэй ажилчидтайгаа орооцолддог байсан. Би үүнийг мэддэг байсан ч хүүхдийнхээ төлөө нэг нүдээ аниад өнгөрөөдөг байсан. Гэтэл тэдний нэг нь түүнтэй үнэхээр хамт амьдрахаар шийдсэн. Хоёулаа миний нүдэн дээр гэр бүл болчихсон. Тэр надад болон миний хүүхдэд ганц ч сохор зоос өгөхгүй гэсэн. Тэгээд  намайг салахыг албадсан.
БЮ: Тэгээд хүүхэд чинь яасан бэ?
Сү Э: Би хүүхдээ Гуанжоуд үлдээсэн. Салснаас авсан тэр өчүүхэн мөнгөөр би өөрийгөө арай ядан тэжээх байсан. Хэрэв би хүүхдээ аваад явсан бол тэр минь л зовох байлаа.
БЮ: Чи хүүхдээ их санаж байгаа байх даа.
Сү Э: Саналгүй яах вэ. Сая Шиао Жүнийг хараад хүүгээ л харж байгаа юм шиг санагдлаа. Бин Юин. Ингээд буцаж ирэх үнэхээр ичмээр байна. Би одоо болтол ээжтэйгээ хамт амьдарч байна. Хөршүүд маань миний ардуур юу гэж ярьж байгааг би мэдэж байна. Гэхдээ би өдөр бүр хамгийн гоёороо хувцаслаж гардаг. Би тэдэнд өөрийгөө маш сайн байгаа, бүх зүйл хэвийн байгаа гэдгийг л харуулахыг хүсэж байна.
БЮ: Сү Э. Одоо чиний туулж байгаа зүйлсийг би ч бас туулаад гарсан. Чи хэн нэгний төлөө амьдрах хэрэггүй. Тэр чинь дэндүү ядаргаатай. Чи дахин хөл дээрээ босох хэрэгтэй. Бусад хүмүүс юу гэх нь хамаагүй. Зүгээр л өөрийнхөө амьдралыг утга учиртай өнгөрүүлэхэд л анхаар.
Сү Э: Чи багаасаа л уужим сэтгэлтэй байсан. Би яагаад чамаас суралцаж чадаагүй юм бол оо? За яах вэ. Би ч бас тэгэх болно. Амьдралаа хамгийн сайхнаар өнгөрүүлнэ ээ. Тэр муу хүн ч там руугаа л явна биз.
Эмэгтэй: Миний явуулсан бичвэрийг уншсан уу?
ШЖ: Уншсан.
Эмэгтэй: Тэгээд яагаад чиний бичлэг ийм сулбагар хэвээрээ байгаа юм бэ? Үг хэллэг дээрээ зоригтой бай. Битгий барьж хичээгээд бай. Одоо зах зээл хэр зэрэг өрсөлдөөнтэй байгааг хар. Хэрэв чи бусдаас ялгарахыг хүсэж байвал хүмүүсийн зүрхийг хөөргөх, тэднийг догдлуулах түүх бичих ёстой. Тэднийг унших тусам нь улам ихийг хүсдэг болгох хэрэгтэй, залуу минь.
ШЖ: Би аль хэдийн нэлээд зоригтой бичсэн гэж бодож байна.
Эмэгтэй: Бурхан минь. Чи үнэхээр тэгж бодож байна уу? Чи ямар ч халуухан хэсэг бичээгүй байна шүү дээ. Үүнийг зоригтой гэх үү? Хүлээж бай. Чи хэзээ ч дурлаж үзээгүй биз дээ? Чамд ямар ч туршлага байхгүй юу? За за, зүгээр ээ. Би чамд зааж өгье. Иймэрхүү зохиол бичихэд нэг нууц бий. Тэр нь юу вэ гэвэл, чи дүрслэх хэрэгтэй. Бүх зүйлийн нарийн ширийн дүрсэл. Энгийн болго, ойлгосон уу? Чи урьд нь ийм зүйл мэдэрч үзээгүй хүмүүст чиний түүхийг уншсаны дараа яг мэдэрсэн юм шиг сэтгэгдэл төрүүлэх ёстой. Харин туршлагатай хүмүүст үүнээс шинэ мэдрэмж төрүүлж чаддаг байх хэрэгтэй.
ШЖ: Би үүнийг хийж чадахгүй байх аа. Та өөр хүн олсон нь дээр.
Эмэгтэй: Чи өөрийгөө хэн гэж бодоо вэ? Агуу зохиолч болох гэж байгаа юм уу, яах гээд байгаа юм?
Ю Я: Дараа нь намайг хүргэж өгөх хэрэггүй ээ. Машинд багтахгүй байх.
ШЖ: За тэгье дээ.
Ю Я: Удахгүй хариарай, за юу?  Сургуулийн хоолын газар аль хэдийн хаачихсан байгаа.
ШЖ: Ойлголоо.
Ю Я: Ээж чинь Үлэмж биетэд тохиолдсон явдлаас болоод чамайг зэмлэсэн хэвээрээ байгаа юу?
ШЖ: бид ярилцаад ойлголцчихсон.
Эмэгтэй: Ю Я, хурдлаарай.
Ю Я: Одоо очлоо. Чамайг санах байх даа.
ШЖ: Би чамайг бүр илүү их санах болно.
Фэн Ди (ФД): Сайн байна уу. "Waves in the Rye" агентлагийн Фэн Ди байна. Хэн ярьж байна вэ?
ШЖ: Сайн байна уу. Өнгөрсөн удаа "Хуаны гал тогоо"-ны бичлэг дээр бид таарсан. Та надад нэрийн хуудсаа өгсөн.
ФД: Би чамайг санаж байна. Бодлоо өөрчлөө юу? Тэгвэл ингэе, компани дээр хүрээд ир. Уулзаж байгаад ярилцъя.
ФД: Өөрийгөө нэг хараач. Ийм байж Япон явж чадна гэж бодож байна уу? Чи яагаад нүдээ ирмээд байгаа юм? Өдөр бүр ийм их илчлэгтэй хог идэцгээгээд. Өнөө өглөө юу идсэн бэ?
Эмэгтэй: Бургер.
ФД: чи яг л бургер шиг харагдаж байна. Өөр юу идсэн?
Эмэгтэй: Сүүтэй цай.
ФД: Харахад л илт байна. Энэ бүхэн чамайг таргалуулна. Маш их илчлэгтэй гэдгийг мэдэж байгаа биз дээ? Юугаа хараад байгаа юм? бэлтгэлээ хийж бай.
ШЖ: Сайн байна уу.
ФД: Чамайг ирнэ гэдгийг мэдэж байсан юм.
ШЖ: Яагаад?
ФД: Учир нь чи үүний төлөө төрсөн хүн. Бас чи ухаалаг. Чи учрыг нь олно гэдгийг би мэдэж байлаа.
ШЖ: Би урьд нь хэзээ ч загвар өмсөж байгаагүй. Загвар өмсөгч болохын тулд сургалтад суух хэрэгтэй юу?
ФД: Мэдээж. Би чамд заах багш гаргаж өгнө. Тэгээд эхний ээлжинд анхан шатны зураг авалт, загварын арга хэмжээнд оролцуулна.
ШЖ: Тэгээд би яах ёстой вэ?
ФД: Бид гаднаас багш авдаг юм. Сургалтын төлбөрөө чи өөрөө төлөх хэрэгтэй.
ШЖ: Хэд вэ?
ФД: 3000 юань. Санаа зоволтгүй ээ. Хэрэв чи компанитай гэрээ байгуулж чадвал маш их ажил авч, тэр мөнгийг дороо л буцаагаад олчихно. За за, мөнгөтэй болохоороо өгөөрэй.
ШЖ: Тэгвэл би танд өрийн бичиг бичиж өгье.
ФД: Хэрэггүй дээ. Нааш ир, гэрээнд гарын үсэг зур.

Бю: ноён гао.

Гао: хатагтай дин өнөөдөр эрт ирж байх чинь.

Бю: тийм ээ. Өнөөдөр чөлөө авчихсан. Ноён гао. Би өнөөдөр хүүхдүүдэд оройн хоол хийчихье.

Гоа: тэгвэл сайн л байна. их төвөг удах нь дээ. Би хэдэн хуучин DVD тоглуулагч олж авсан юм. Үүнийг дахин баглаад найзынхаа дэлгүүрт зарна даа.
БЮ: бүгд хуучин төхөөрөмжүүд юм уу?
Гао: Тийм ээ.
БЮ: Хамаагүй хямд байх нь ээ?
Гао: Тэгэлгүй яах вэ. Дэлгүүрт шинээрээ 200 гаруй юань байдаг бол хуучныг нь 100 хүрэхгүй юаниар авч болно.
Эр: Дин хатагтай. Суу, суу. Би танд ус аваад ирье.
БЮ: Зүгээр дээ, ноён Пан.
Пан: Зүгээр ээ, сууж бай. Дин хатагтай, та үйлдвэр дээр үргэлж сайн ажилладаг байсан. та бол бидний хөдөөнөөс олж ирсэн үлгэр жишээ ажилтан шүү дээ. Би таны чадвар, ажилдаа хандах хандлагад бүрэн итгэдэг. Май, цай уу.
БЮ: Баярлалаа.
Пан: Зүгээр дээ. За... та саяын цуглаан дээр менежерийн юу хэлэхийг сонссон байх. та хамгийн түрүүнд цомхотголд орох ажилчдын жагсаалтад багтсан байна. Үйлдвэрт ажилласан жилийг нь тооцож мөнгө олгоод халах шийдвэр гаргасан. Би удирдлагуудтай ярилцсан, та бусдадаа үлгэр дуурайлал үзүүлж, эхний ээлжинд зөвшөөрнө гэж найдаж байна.
БЮ: Би зөвшөөрч байна.
Пан: Зөвшөөрч байна гэж үү?
БЮ: Гэхдээ надад нэг хүсэлт байна.
Пан: Юу юм бэ?
БЮ: Хэрэв үйлдвэрт дахин ашиглахгүй оёдлын машинууд байгаа бол би нэгийг нь авч болох уу?
Пан: Үүнийг би шууд шийдэж чадахгүй байх аа.
БЮ: Тэгвэл менежерт энэ тухай дуулгаж, миний өмнөөс хүсэлт тавьж өгөөч. Үйлдвэр ямар ч байсан тэр ашиглагдаагүй машинуудыг зайлуулах л болно. Тэгээд ч тийм их үнэ хүрэхгүй шүү дээ. Яагаад тэднийг цомхотголд орж байгаа ажилчдадаа өгч болохгүй гэж? Биднийг дахин ажилтай болоход тусалж байна гэж бодож болохгүй гэж үү?
Пан: сайхан санаа байна шүү. За тэгвэл би удирдлагуудтай ярилцаж үзье.
БЮ: Баярлалаа, ноён Пан.
Пан: Зүгээр дээ.
БЮ: За одоо уйлахаа боль доо.
Үлэмж биет: Би нүүмээргүй байна. Явмааргүй байна. Байранд амьдармааргүй байна шүү дээ.
БЮ: битгий уйл даа. Бидэнтэй дахиж уулзахгүй гэсэн үг биш шүү дээ. Өөрийгөө нэг хараач, яг л жаахан охин шиг уйлаад байх юм. Шиао Жүнийг санахаараа хүрээд ирж бай. Битгий уйл. Хэрэв чи ингэж их уйлаад байвал аав чинь чамайг загнана шүү.
Үлэмж биет: Дин Шиао Жүн. Тэд үнэхээр хатуу сэтгэлтэй юм. Надад нүүх хэрэгтэй гэдгийг ч урьдчилж хэлээгүй.
Гао: эрхэмээ, үүнийг аваарай.
ШЖ: Ингээд бод доо. Танай шинэ гэр чинь энэ замын уулзварын зүүн талд л байгаа шүү дээ. Бид одоо ч бие биетэйгээ ойрхон байна.
Гао: За за, одоо уйлахаа боль. Май, Шиао Жүн. Ундаа уу. Дараа манайд ирж тоглоорой. Болгоомжтой байгаарай, эрхэмээ. Та нар их хичээлээ. Дараа нь орж ирээд ундаа уугаарай. Халуун өдөр байна шүү. Тэр шилээр хийсэн эд байгаа юм, болгоомжтой. Болгоомжтой байгаарай. Дин хатагтай. Ойрын үед юу болж байна? Шинэ байр хайх ажил чинь бүтэмжтэй юу?
БЮ: Ноён Гао. Би тантай энэ талаар ярилцах гэж байсан юм. Би нэлээд бодлоо. Та энэ байшин болон дэлгүүрийг тэр чигт нь түрээслүүлэхийг хүсэж байсан байгаа шүү дээ. Яагаад надад түрээсэлж болохгүй гэж?
Гао: Гэхдээ чамд дэлгүүр хэрэггүй шүү дээ.
БЮ: Ганцаараа хүүхэд өсгөхөд хэцүү байна. Би хувиараа бизнес эхлүүлэх талаар бодож байна. Ноосон хувцасны дэлгүүр нээх бодолтой байна л даа.
Гао: Тэр ч сайн хэрэг шүү. Май, ундаа уу.
БЮ: Зүгээр ээ, тэд нар ууг.
Гао: Санаа зоволтгүй ээ, ундаа зөндөө байгаа. Энд ч нэлээд эмх замбараагүй болчихлоо. За, сайн байна. Их сайн байна.
ШЖ: Хатагтай Фэн Ди.
ФД: Чи яагаад энд унтаж байгаа юм бэ?
ШЖ: Зураг авалтын дараа хэтэрхий их ядарсандаа энд дугхийчихэж.
ФД: Энд агааржуулагч ч байхгүй, халаагуур ч байхгүй. Чи ханиад хүрнэ шүү дээ. Дараа дахиж энд битгий унтаарай.
ШЖ: Баярлалаа.
ФД: Энэ чиний цалин.
ШЖ: Би танд сургалтын төлбөрөө хараахан төлөөгүй байгаа шүү дээ.
ФД: Зүгээр дээ. Би чамд нэг зүйл хэлэх гэж ирлээ. Японд нэг арга хэмжээ болох гэж байна. 15 хоног үргэлжилнэ. Тэд 40,000 юань төлөх юм байна. Сонирхож байна уу?
ШЖ: Тийм ээ.
ФД: Гэхдээ Японы зохион байгуулагчид чамаас барьцаа мөнгө байршуулахыг шаардаж байна.
ШЖ: Хэд вэ?
ФД: 30,000 юань. Санаа зоволтгүй ээ. Хэрэв чи Японд ямар нэгэн хууль бус зүйл хийхгүй бол тэд мөнгийг чинь буцааж өгнө.
ШЖ: Би ямар нэг арга олж бодохыг хичээе.
ФД: Сайн бодоорой.
ШЖ: Баярлалаа, хатагтай Фэн Ди.
ФД: Пальтоогоо өмс. Ханиад хүрэв ээ.
ШЖ: Байна уу, Сю Тянь уу? Надад чиний тусламж хэрэгтэй байна.
Эр: Хэрэв бид хуваарийн дагуу амжъя гэвэл ажлаа хурдсгах хэрэгтэй байна.
Эр 2: За, эрхэм ээ.
Эр: Хурдал, бүгдэд нь энэ тухай дуулга.
Эр 2: За.
Эмэгтэй: Үнэхээр гоё харагдахгүй байна гэж үү? Бүгд ирчихсэн үү?
Эмэгтэй 2: Тийм биш гэж үү?
Эмэгтэй 3: Үнэхээр үзэсгэлэнтэй юм.
Эмэгтэй: Сайн харцгаагаарай. Эхлээд эргэн тойрноо сайн ажигла. Ноён Фүжикава. Уулзаагүй удсан байна шүү.
Эмэгтэй 3: Хэрэв би энэ тайзан дээр загвар өмсөж чадвал аав ээж хоёр маань надаар үнэхээр бахархах байсан байх даа. 150,000 юань гэдэг гайхалтай юм.
Эмэгтэй: Бүгд сонсоорой. Энэ бол хэдхэн хоногийн дараа та нарын загвар өмсөх газар. Тийм болохоор эргэж очоод сайн бэлдээрэй, ойлгосон уу?
Бүгд: Ойлгосон.
Эмэгтэй: Би та нарыг дараа зочид буудалд чинь бүртгүүлэхээр авч явна. Одоо паспортуудаа өгцгөө.
Эр: Би чамд хэлсэн дээ.
ШЖ: Танд англи хэл дээрх цэс бий юу?
Эр: Чи юу гээд байгаа юм бэ? Би чамайг огт ойлгохгүй байна.
Эр 2: Тэр англиар яриад байна шүү дээ. Чи ялгаж чадахгүй байгаа юм уу?
Эр: Би Зимбабве хэл сурсан юм чинь, яаж мэдэх вэ дээ.
Эр 2: За худлаа ярихаа боль.
Эр 3: Чи Хятад хүн үү?
ШЖ: Та хятадаар ярьж чаддаг юм уу?
Эр 3: бага зэрэг л. Тусламж хэрэгтэй юу?
ШЖ: Би зүгээр л ямар хоол байгааг асуух гэсэн юм.
Эр 3: Тэгээд чи юу идмээр байна?
ШЖ: Рамэн.
Эр 3: Рамэн үү. Би нэг гоё рамэний газар мэднэ. Хаана байдгийг нь хэлээд өгье.
ШЖ: Баяртай.
Эр 3: Энэ замаараа шулуун яваад, уулзвараар баруун тийш эргээрэй. Тэнд нэг сайн рамэний газар бий.
ШЖ: Баярлалаа. Танд маш их баярлалаа.
Эр 3: Зүгээр дээ.
Сү Э: Гадаадаас ирсэн хувцаснууд хямдарлаа шүү. Найз нөхөд, гэр бүлийнхэндээ манай лангууны тухай дуулгаарай. Болгоомжтой яваарай. Наашаа ирж сонирхоорой, хатагтай. Энэ Гуанжоугийн бараа. Би өөрөө 100 юаниар авсан ч одоо ердөө 30 юаниар зарж байна. 30 юань. Өнгө нь тод, маш гоё. Надад өөр өнгөнүүд ч бий...
БЮ: Чи яагаад энд хувцас зараад байгаа юм бэ?
Сү Э: Энд хөл хөдөлгөөн ихтэй шүү дээ. Одоо бизнес тийм ч сайн биш байна аа. Хүмүүс Гуанжоугийн бараа сонирхохоо больж. Нэг бүрийг нь 30 юаниар зараад байхад л хэн ч авахгүй байна.
БЮ: Бизнес тийм муу байна уу?
Сү Э: Сайн байх арга алга.
БЮ: Тэгвэл чи надтай хамтраад ажиллавал яасан юм?
Сү Э: Тэгье л дээ. Чи юу хийхээр төлөвлөж байгаа юм? Наашаа орж ирээрэй.
Эмэгтэй: Бин Юин, би ноосон цамц авах талаар бодож байсан юм. Маргааш дайраад гаръя даа.
Сү Э: За тэгээрэй. Эхлээд дотогшоо орж материалынхаа өнгийг хар. Ноён Жоу, жаахан хүчтэйхэн түлхээрэй.
БЮ: Арай хүчтэй.
Сү Э: Зүгээр ээ. За, 1, 2, 3... за боллоо.
БЮ: Баярлалаа, ноён Жоу. Танд маш их баярлалаа.
Сү Э: Үхтлээ ядарлаа.
БЮ: Чи ядарсан байх аа.
Сү Э: Надад ус өгөөч. Ус хэрэгтэй байна. Бин Юин... баярлалаа, ноён Жоу.
Жоу: Зүгээр дээ.
Сү Э: Бин Юин. Миний авчирсан барааг харах уу?
БЮ: Тэгье л дээ.
Сү Э: Нааш ир. Энд байдаггүй маш олон төрлийн өнгө, туяанууд тэнд байна лээ. Тэнд хамгийн сайн зарагдаж байгаа хэд хэдэн өнгийг би олж харсан юм.
БЮ: Гараа болгоомжтой. Чи үнэхээр ихийг авчирчээ.
Сү Э: Бүгдийг нь л хам хийгээд авчирлаа. Хараач, ягаан байна. Энэ улаан нь ч бас гоё харагдаж байна. Ногоон, цэнхэр, шар. Бас чи үүнийг мэдэх үү? Би шалгаж үзсэн чинь тэндээс эдгээр материалыг 500 грамм тутамд нь 5 юаниар хямд авч болохоор байна лээ.
БЮ: Тийм их хямд гэж үү? Сү Э. Энд нэг эмэгтэй цамц 110 юаниар зарагддаг. Ноосныхоо зардлыг хасаад тооцохоор... бид нэг цамцнаас 50 юанийн цэвэр ашиг олно гэсэн үг.
Сү Э: 50 юань уу? Тэгвэл бид баяжих юм байна! За, би баян болсныхоо дараа тусдаа гарна аа. Бин Юин, би дахиж хэзээ ч эрэгтэй хүнд найдахгүй. Би зөвхөн өөртөө л найдах болно.
БЮ (Дуу: Аз жаргалын цэцэгс нууцхан дэлбээлнэ...
Сү Э: Үгүй ээ, би бүжиглэж чадахгүй ээ.
БЮ: Эргэлдэж чадахгүй гэж үү?
Сү Э: Бин Юин, миний толгой эргээд байна. Бин Юин!
Гао: Яаж байна?
Эмэгтэй: Үгүй ээ, сигнал алга. Гао, арай зүүн тийш нь хөдөлгө.
Гао: Энэ тал руу юу?
Эмэгтэй: Тийм ээ. Тэр тал руу нь жоохон түлхээд үз дээ.
Гао: Одоо ямар байна?
БЮ: Одоо гарч байна.
ШЖ: Гараад ирлээ. Одоо харагдаж байна.
(Зурагтаар: Ийм гайхалтай мөчид бид мэдээж гэр бүл, найз нөхөдтэйгөө хамт тэмдэглэхээр ирэх ёстой.)
Эмэгтэй: Хурдлаарай.
Гао: Амжиж үзэж байгаа маань яамай даа. Сэтгэл амарчихлаа. Тэднийг ямар бахархалтай, сүр хүчтэй харагдаж байгааг нь хараач.
Эмэгтэй: Өө, та нар ирчихээ юу. Наранцэцгийн үрнээс идээрэй.
Гао: Санаа зоволтгүй идэцгээ.
Эмэгтэй 2: Баярлалаа.
Эмэгтэй: Зүгээр дээ.
Үлэмж биет: Аав аа, би Хятадын Хонконг руу явмаар байна.
Гао: За тэгээрэй. Чи Хятадын Макао руу бас явмаар байна уу?
Үлэмж биет: Тийм.
Гао: Зүүдэндээ л яваарай.
Эмэгтэй: Чи хүүхдэд юу хэлээд байгаа юм бэ?
Гао: тэр жаахан охинд идэх юм өгсөн үү?
Үлэмж биет: Тийм.
Эмэгтэй: Би өгсчихсөөн.
Эмэгтэй 2: Манай цэргүүд үнэхээр гайхалтай юм аа.
Үлэмж биет: Тэд үнэхээр догь харагдаж байна.
БЮ: Энэ түүхэн мөчийг нүдээрээ үзэж байгаа маань том хувь заяа юм даа.
Гао: Нээрээ тийм шүү. Хонконг хүртэл Хятадад буцаж ирлээ. Манай эх орон улам хүчирхэг болж байна.
Эмэгтэй: Хүмүүсийн амьдрал одоо л өөр болж байна шүү.
Эмэгтэй: Наашаа дахиж битгий залга. Шоу цуцлагдсан. Явж даргаа ол.
Эр: Чи буцаад ирээ юу.
Утас: Таны залгасан дугаар холбогдох боломжгүй байна. Таны залгасан дугаар холбогдох боломжгүй...
Эр: Чамтай хамт ирсэн найзууд чинь хэдийн явчихсан. Чи залилуулчихсан юм биш үү? Энд хятадаар ярьдаг хүн байна уу? Би энэ залуутай огт ойлголцож чадахгүй байна. Хэн нэгэн байна уу? Хятадаар ярьдаг хүн байна уу? Эрхэм ээ, түр хүлээгээрэй.
Эр: Тавтай морил.
Эр: Тусламж хэрэгтэй юу?
ШЖ: Та чинь нөгөө...
Эр: Ямар сонин тохиолдол вэ. Чи ямар амтанд дуртай вэ?
ШЖ: Би зүгээр л сонирхоод харж байсан юм.
Эр: Карри. Карри бол миний хамгийн дуртай амт. Амсаад үз.
ШЖ: Зүгээр дээ, би зүгээр л харж байна. Баярлалаа.
Эр: Надтай хамт оройн хоол ид.
ШЖ: Баярлалаа, гэхдээ би хоолоо идчихсэн.
Эр: Эндхийн "одэн" үнэхээр амттай. Амсаж үзэхгүй бол харамсах болно шүү.
ШЖ: Баярлалаа... Үнэхээр амттай юм. Миний идэж байсан хамгийн амттай одэн байна.
Эр: Тэвчихэд ч бэрх амттай байгаа биз? Чи Японд аяллаар ирсэн үү?
ШЖ: Ажлаар ирсэн юм.
Эр: Тэгээд ажлаа дуусгасан уу?
ШЖ: Тийм ээ, дууссан гэж хэлж болно байх.
Эр: Чи Хятадын хаанаас ирсэн бэ?
ШЖ: Шанхайгаас.
Эр: Шанхай юу. Шанхай сайхан газар шүү.
ШЖ: Эрхэм ээ, та хятадаар үнэхээр сайн ярих юм. Урьд нь Хятадад байж байсан уу?
Эр: Залуу байхдаа тэнд хэсэг хугацааг өнгөрүүлсэн юм. Тэр үе миний амьдралын мартагдашгүй мөч байж билээ.
ШЖ: Үлэмж биет осолд орсноос хойш би ээжтэйгээ дахиж холбоо бариагүй. Гэхдээ тэр минь надад үргэлж санаа зовж байсан гэдэгт би итгэлтэй байна. Намайг хаана ч байсан, ямар нэгэн асуудалд ороход туслах хүн гарч ирээсэй гэж тэр минь үргэлж залбирч байсан байх. Тэгээд л ноён Үмэно Шу гарч ирсэн хэрэг.
Эмэгтэй: Ноён Үмэно их өөрчлөгдсөн байсан уу?
ШЖ: Хүүхэд байхдаа би ноён Үмэног маш цоглог, хөгжилтэй хүнээр санадаг байлаа. Гэтэл тэр өдөр миний уулзсан хүн бол маш ганцаардмал, гунигтай дунд эргэм насны эр байсан. Тэр өдөр түүнээс илүү ихийг асууж ярилцах минь яав даа. Өнгөрсөн жилүүдэд түүнд юу тохиолдсоныг яагаад асуугаагүй юм бол? Би зүгээр л бүдүүлэг харагдахаас эмээсэн хэрэг. Миний энэ инээдтэй бардам зан ээжийн минь аз жаргалтай болох боломжийг дахин нэг удаа үгүй хийчихсэн. Тэр шөнө бүхий л насаараа хагацсан тэр хоёр дахин уулзаж болох л байсан юм.

 

 

 

Back to episodes Go home