Эм 1: Өглөөний мэнд!

Эр 1: Өглөөний мэнд.

Юкичи: Чадварлаг муур өглөөг эрт эхлүүлдэг. Учир нь... Өнөөдөр эзнийхээ өдрийн хоолонд чадварлаг муурын тусгай хоол.

Бичиг: * Шарсан яргай загас, өндөгний омелет, далив өвсний үндэс, лууван, гахайн махтай тэжээллэг шөл

Юкичи: Хэрэгцээгүй эзнийхээ өдрийн хоолыг бэлтгэхгүй бол болохгүй. Би ч өглөөг эхлээд чадварлаг муурын ажилд орох шив. Надтай харьцуулахад энэ муу...

Саку: Өнөөдөр ажилдаа явж чадахгүй нь. Хөнжил намайг тавихгүй байна.

Юкичи: Энэ муу хэрэгцээгүй хүнийг дээ!

Саку: Халцгай! Халцгай! Халцгай! Халцгай! Хүнлэг бус гэдэг нь!

Юкичи: Би бол муур. Гэхдээ няцашгүй байх ёстой. Бүх зүйл бол муурын хоолны төлөө юм шүү дээ.

Бичиг: Энэ бүхэн

Бичиг: муурын хоолны төлөө (амжиргааны зардал)

Саку: Юкичи ч үнэхээр чадварлаг муур шүү.

Бичиг: Нүд нь одоо нээгджээ

Саку: Амттай байна! Жинхэнэ аз жаргал!

Юкичи: Тийм. Тийм шүү дээ. Чамайг өнөөдөр ч мөн эрүүл чийрэг ажиллуулах ёстой байна.

Саку: Хэтэрхий жаргалдаа умбаад ажлаасаа чөлөө авмаар байна!

Юкичи: Юу гэнэ ээ?

Саку: Өдөржин гэртээ баймаар байна! Гэдсийг чинь илмээр байна! Цаг нь тулчихлаа!

Юкичи: Энэ хүн... Энэ хүн... Эцэст нь ямар ч авралгүй цэгтээ хүрчхэв үү? Энэ хүнийг хаяад өөр амьдрах газар хайдаг юм билүү?

Саку: Хөөе, Юкичи. Өнөөдөр цалин буух юм чинь намайг ирэхээр өнөөхөө хийх үү? Т-у-л-г-а-я. Тулгая! Яваад ирье!

Юкичи: Одоохондоо хүлээхэд гэмгүй бололтой.

Эр 1: Чиглэл буусан галт тэрэгнүүд явж байна.

Юкичи: Уур!

Бичиг: Чадварлаг муур өнөөдөр дахин гутрав

Бичиг: Чадварлаг муур эрүүл мэндэд ч мөн анхаардаг

Саку: Юкичигийн хийсэн хоол хамгийн амттай нь байх юм! Юкичи! Энэ васаби орсон төмсний салат дахиад бий юу? Аан бас дахиад жаахан халуун сакэ! Баярлалаа! Манай гэр хамгийн гоё нь! Айн? Яасан бэ? Дэгээг нь сайн хийгээгүй байсан юм байх даа? Ажлын шинэ хувцас авах цаг нь болсон байх аа... Үгүй! Үгүй! Үгүй! Үгүй! Жаахан азна л даа! Одоо! Одоо л биш шүү!

Бичиг: Гутрав...

Саку: Надаас илүү хүндээр хүлээж авахаа боль л доо... Байз! Битгий ингэж яараач дээ!

Юкичи: Буцааж авлаа!

Саку: Дасгал! Дасгалаар жин хасна аа! Миний сакэ бас амттан!

Юкичи: Тогтоогчоо тохируулж байна.

Саку: Сүүлийн үед ажлын уух арга хэмжээ, компанийн зугаалга гээд жаахан жин нэмсэн байх! Шат ашиглах ч юм уу, хурдан алхаад байвал дороо урьдын хэвдээ орчихно доо. Тийм ээ? Тийм ээ? Тийм ээ? Тийм ээ? Зүгээр гэм дээ! Тиймээс гуйя! Эргүүлээд өг! Оройн хоол, уух юмгүйгээр би— Өдөр бүр юуны төлөө хичээж ажиллаж байгаагаа ойлгохоо болилоо. Маргаашаас дэглэмтэй дасгал эхлүүлнэ ээ. Гэрлээ унтраачих. Эхний ээлжид 30 минутын өмнө сэрээд өртөө хүртэл алхана. Гутлаа пүүз сонгодог юм билүү? Эрдэстэй ус авч яваад... тэгээд... Нээрэн 30 минут алхахад хэдэн калор шатдаг бол? Хм? Дэглэмийн пүүз гэдэг нь юу юм бол? Айн? Өмсөх төдийд л илүү калор шатаана аа? Зүүд шиг л юм! Худалдаад авчихъя! Нам унтчихаж! Такси! Арай гэж амжлаа. Өглөөний дасгал надад тохирохгүй юм байна.

Эм 1: Байж байна! Фүкүзава! Түрүүн сүүлийн галт тэрэг иртэл бичиг баримт бэлдэхэд тусалсанд баярлалаа!

Эм 2: Намайг амрах хооронд миний ажлыг хийсэнд баярлалаа.

Эм 3: Би ч гэсэн! Би ч гэсэн!

Эм 1: Энэ манай нутгийн алдартай амттан байгаа юм. Хүсвэл идээрэй.

Эм 2: Энэ Гуамын дурсгалын бэлэг!

Эм 3: Минийхийг ч бас!

Бичиг: Овооров

Саку: Нэгэнт авсан юм чинь дэмий хаяж болохгүй байлгүй дээ!

Юкичи: Тэр нэмээд таргалчхаж! Тэр нэмээд таргалчхаж.

Саку: Айн? Хачин юм. Яагаад юм бол оо? Байз! Байз! Наадхаа л биш шүү! Би үхчихнэ! Хүйтэн байна! Хүйтэн байна! Хүйтэн байна! Жинхэнээсээ үхэх нь! Бас чи хэзээдээ дугуй унаад сурчхав аа?

Юкичи: Нэг сарын дараа.

Саку: 600 грамм хасагдсан байна.

Бичиг: Хувийн нууц хадгалахын тулд зарим хэсгийг дарсан болно.

Саку: Юкичи орой бүр миний гүйлт, булчингийн бэлтгэлд хань болсны л ач. Энэ маягаараа хоолны хэмжээгээ багасгалгүй аажмаар жингээ хасаж болох нь. Аажмаар хасуулахгүй бололтой!

Бичиг: * Юкичи

Саку: Хөөрхөн биш байна! Даруй согтууруулах ундаа болон идэх хоолны хэмжээг хязгаарласан юм. 7 хоногийн дотор хэвийн жиндээ очсон. Юкичи ч мөн энгийн байдалдаа орсон. Ашгүй дээ. Ашгүй дээ.

Бичиг: Үнэндээ түүнд жаахан таалагдсан.

Юүри: Хүйтэн юм. Би ирлээ.

Ээж: Юүри? Чи ирэх байсан юм бол утсаар ярьж бай л даа. Идэх юм үлдээгүй байгаа шд.

Юүри: Хоол хэрэггүй ээ. Компанийн зугаалгаар авсан бэлгээ л өгөх гэсэн юм.

Ээж: Аан, компанийн зугаалга уу? Ажил дээр гарсан хүн шиг сонсогдож байх чинь.

Юүри: Ажил дээр гарсан шүү дээ. Чигүра өгсөн сэнпайгаас ч гэсэн бэлэг ирсэн.

Ээж: Баярлалаа!

Рио: Юүри эгч, уулзалгүй уджээ.

Юүри: Рио бас байжээ.

Рио: Зочилж ирсэн юм. Костюмтой анх удаа л харлаа.

Бичиг: Үеэлүүд

Юүри: Зохиж байна уу?

Рио: Тийм, ажил дээр гарсан хүн шиг.

Юүри: Ажил дээр гарсан хүн шүү. Дулаахан байна. Рио, ганцаараа амьдарч байгаа гэсэн үү?

Рио: Тийм. Тэгсэн эгч таны өрөөний ТВ-г авч болно гэсэн.

Юүри: Аан, тэр үү? Ав, ав. Цагийн ажил л хийгээд байна уу?

Рио: Тийм. Бусад цагийн ажилчид намайг цагийн ажлаар амьдардаг гэж бодох хэмжээнд.

Юүри: Хэтэрхий ажиллах юм. Их сургуулийн өдрүүдээ дурлаж өнгөрөө л дөө. Ажил дээр гарчихвал бараг боломж олдохгүй шүү. Дурлалд хүсэж тэмүүлсэн эгчдээ хайрын түүх ярь л даа.

Рио: Хайрын түүх?

Эр 1: Чи юу хийж байна аа? Алчихна шүү!

Саку: За. Бичиж авлаа.

Рио: Сонирхдог хүн бол бий шүү.

Юүри: Нээрэн үү? Айн? Айн? Айн? Ямар хүн юм?

Рио: Харин нэрийг нь мэдэхгүй хүн л дээ.

Юүри: Ажлын чинь үйлчлүүлэгч юм уу?

Рио: Тийм, намайг хуучин найз залуутайгаа муудалцаж байхад санаандгүй хажуугаар явахдаа юм асуулгүй аварсан юм. Тулааны урлагаар хичээллэдэг юм болов уу? Их хүчтэй байсан.

Юүри: Юу? Хувь тавилангийн учрал юм шиг л!

Саку: Болино уу.

Юүри: Нэмэргүй нь! Саку сэнпайг тэгж байгаагаар төсөөлөөд байх юм!

Юкичи: Байгаа онов.

Юүри: Хүнтэй үерхдэг юм уу?

Рио: Хайртай хүн нь эсэхийг сайн мэдэхгүй ч хамтран амьдрагчтай юм шиг байсан.

Юкичи: Үл мэдэгдэх муур.

Юүри: Тийм бий. Гэхдээ гоё юм аа! Гоё юм аа. Чадварлаг, хүчтэй, сайхан сэтгэлтэй хүн. Атаархаж байна.

Рио: Юүри эгч одоо ч найз залуугүй юу?

Юүри: Хэдэн жил үерхсэнгүй. Эрийн заяа хаячихсан. Сайн хүн олдохгүй.

Рио: Тийм.

Юүри: Ижил хүйсний хүн хайдаг ч юм уу гэж бодох боллоо. Гэрлэхэд тун хэцүү байна.

Рио: Би бас ижил зүйл бодож байсан гээд хэлчхэд яадаг бол? Үгүй ээ, хачин уур амьсгалтай болчихно. Болих минь.

Юүри: Юун хачин уур амьсгалтай болчхов оо? Битгий зайгаа бариарай. Тоглож байсан юм шүү.

Рио: Ү-Үгүй ээ, зайгаа бариагүй. Н-Нээлттэй сэтгэлгээтэй юм аа гэж бодож байлаа.

Юүри: Үнэн үү? Чи над шиг болохоосоо өмнө хичээгээрэй дээ.

Рио: Тийм. Юу болохыг нь хараахан мэдэхгүй байгаа ч дараа дахин уулзвал зохих ёсоор талархаад нэрийг нь ч болов мэдэж авмаар байна.

Юүри: Наадах чинь л байхгүй юу! Мэдэхээрээ хэлж өгөөрэй!

Рио: За. Гэхдээ ихэнхдээ муур нь л манай дэлгүүрээр ирдэг дээ. Тэвчээртэй хүлээхээс өөр аргагүй нь ээ. Илүү ээлжээ нэмье дээ.

Юкичи: Энэ үеэр Фүкүзавагийнд.

Саку: Юу болсон бэ? Юкичи бас ханиад хүрээ юу?

Рио: Эгч сайн сууж байгаа юу? Хааяадаа хамт ирж үйлчлүүлэхгүй юм уу?

Эр 1: Галт тэрэг эцсийн зогсоол хүртэл бүх өртөөнд зогсоно.

Юкичи: Муурын өвс. Үсийг хөөж бөөлжүүлж гаргах тусалдаг гэдэг ч мөн витамины хэрэглээг нэмэгдүүлэхэд мөн идүүлдэг. Үнэндээ яагаад идээд таашаал авдаг талаар нарийн тайлбар байдаггүй. Маш дуртай муурнууд байдаг. Огт тоодоггүй муурнууд ч бас байдаг. Зарим муурнуудын "дуртай хоол" нь ч гэгдэх нь бий. Хатаана. Муурын өвстэй салат. Муурын өвс: хүссэнээрээ хийж болно. Далайн байцай: амталгаагаар. Хатаасан амар загас: амталгаагаар.

Эр 1: Хүргэлт ирлээ. Сайн уу? Гарын үсэг эсвэл тамга дараад өгөөрэй!

Саку: Өлсөж байна шүү...

Эр 1: Маш их баярлалаа!

Саку: Юкичи, энэ юун ногоо вэ? Хатуу бас шорвог юм!

Юкичи: Хаймлих нурууны алгадалт!

Саку: Юу? Энэ салат минийх биш байсан юм уу? Муурын өвс? Хатуу бас шорвог байсан нь аргагүй байж! Яг нулимах гэж байлаа! Айн? Хүн муурын өвс идэж болдог юм уу? Хүний иддэг зүйлээс муурт хортой олон зүйл байдаг. Сонгино ч юм уу, шоколад ч юм уу? Юу? Муурын өвс гэж юу вэ? Шинжлэх ухааны нэршил нь юм уу? Муурын идэх дуртай өвс гэсэн ерөнхий нэр томьёо бөгөөд тодорхой төрлийн өвсийг хэлдэггүй ээ? Эцэстээ юу юм бэ? Гэдэс нэг л өвдөөд эхэллээ. Байз! Хаашаа залгаад байгаа юм? Түргэн тусламж хэрэггүй! Одоо ч алхахтайгаа бас ухамсартай байна. Муурын өвс идээд гэдэс өвдсөн гэсэн тэнэг шалтгаан хэлж чадахгүй нь.

Эмээ: Аан, түрүүн Юкичид өгсөн муурын өвсний төрөл үү? Тэр овьёос, арвайн өвсний холимог юм байна лээ. Арай Саку санамсаргүй идээ юу?

Бичиг: Эрүүл мэндийн даатгал+өвчтөний түүх

Саку: Аан, тийм...

Эмээ: Эрүүл мэндэд сайн ч түүхийгээр нь идвэл амтгүй байлгүй.

Юкичи: Үүний дараа... Идэж байгаагүй ургамал идээд Сакугийн гэдэс хүчтэй хариу үйлдэл үзүүлжээ.

Саку: Дахиж асуухгүйгээр юу ч идэхгүй ээ!

Юкичи: Юкичигийн хувийн эд зүйлд тусгай таваг ашиглах болжээ.

Бичиг: Муурынх шүү

Саку: Хаана зарж байсан юм бэ?

Юкичи: Аюултай! Муурын хувьд хор болох хүнс. Какао, авакадо, усан үзэм, сонгино, түүхий болон хатаасан арваалж, хуягт загас, каффейн, согтууруулах ундаа гэх мэт.

Саку: Одоо болсон хойно хэдий ч яаж надад хоол хийж өгдөг юм бэ? Фүгү загас тогооч шиг л юм.

Эм хөтлөгч 1: Өнөөдөр хот даяарх анхны "эзэнтэйгээ адилхан" тэмцээн явагдаж байна. Шилдэг таван оролцогчид замаар алхаж үзэгчдийн халуун дулаан инээдээр хүрээлүүлжээ.

Эм хөтлөгч 2: Бүгд үнэхээр адилхан байлаа шүү.

Эм хөтлөгч 1: Тэжээвэр амьтад эзэнтэйгээ их адилхан байдаг гэж сонссон. Тэжээвэр амьтан эзэнтэйгээ адилхан уу? Эзэн нь тэжээвэр амьтантайгаа адилхан уу? Аль нь юм бол?

Эм хөтлөгч 2: Манай гэрт бол аав тэжээвэр амьтантай маань адилхан.

Эм хөтлөгч 1: Тийм үү? Танайх ямар тэжээвэр амьтантай вэ?

Эм хөтлөгч 2: Япон загас.

Эм хөтлөгч 1: Япон загас?

Бичиг: Юкичитэй адилхан Сакуг төсөөлбөл

Бичиг: Намайг өргөж аваач

Эр 1: Хаягдсан баавгай?

Эм 1: Ээж, хар даа.

Эм 2: Чшш! Харж болохгүй.

Саку: Би ирлээ. Яасан бэ? Өвчин намдаагч байгаа юу? Компьютерын дэлгэц хэт ширтээд толгой өвдчихлөө. Хамгаалалттай шилээ мартчихаж.

Юкичи: Халуун алчуур.

Саку: Тасархай! Гоё байна. Бие тавирч байна. Баярлалаа, Юкичи. Жаахан дээрдчихлээ. Яасан бэ? Аймаар царай гаргачихсан байх юм. Чамайг ч бас амраах уу? Толгойн өвчин арилчихлаа. Баярлалаа, Юкичи. Сайхан амраарай.

Эм хөтлөгч 1: Өчигдөр хот даяар явагдсан "эзэнтэйгээ адилхан" тэмцээний хариу. Өнөөдөр ялсан хоёр оролцогч студид бидэн дээр ирээд байна.

Саку: Үнэхээр адилхан юм. Хөөрхөн юм аа.

Эм хөтлөгч 1: Тэжээвэр амьтан, эзэн хоёр адилхан болдог гэдэг нь үнэн болов уу?

Эм хөтлөгч 2: Дотно хос шиг болдог гэж ярьдаг даа?

Саку: Юу?

Эм хөтлөгч 1: Удаан хугацааг хамт өнгөрөөхөөр тэгдэг байж магадгүй ээ.

Саку: Юкичитэй би адилхан болж байгаа гэж үү?

Бичиг: Сакутай адилхан Юкичиг төлөөлбөл

Саку: Байз. Энгийн муур шиг л байх. Хэмжээнээс нь бусдаар.

Бичиг: 12-р анги руу

Бичиг: Дараагийн ангид

Саку: Чадварлаг хүн мэд- Айн? Дараагийн ангийн товчийг Юкичи хийхгүй юм уу? З-За байз! Нэг гоё үг хэлэхгүй бол! Гоё үг! Дараагийн ангид: "Чадварлаг муур гэрээ орхино?" Гэрээ орхино оо?

Бичиг: Чадварлаг муур гэрээ орхино?

Саку: Юкичи? Юкичи? Юкичи!

Back to episodes Go home